যিসকল দিনৰ দিনটো ম’বাইলৰ সংগী, ৰাতিৰ আন্ধাৰতো যিয়ে ম’বাইলত পিতপিতাই থাকে, তেওঁলোকৰ পোহৰ আৰু অন্ধকাৰত চকুৰ বাৰটা বাজিব পাৰে। স্মাৰ্টফোনৰ অতিৰিক্ত নীলা পোহৰত অন্ধ হৈ পৰিব পাৰে। চিকিৎসকসকলে এইটো বাৰে বাৰে সকীয়াই দিয়ে। কিন্তু খুব কম সংখ্যক লোকেহে চিকিৎসকৰ কথা শুনে। শেহতীয়াকৈ হায়দৰাবাদৰ এগৰাকী যুৱতীয়ে তাৰ মূল্য ভৰিব লগা হৈছে।
স্মাৰ্টফোনৰ অত্যাধিক ব্যৱহাৰৰ ফলত যুৱতীগৰাকীৰ জীৱনলৈ অন্ধকাৰ নামি আহিছে। চকু বিশেষজ্ঞ ডাঃ সুধীৰ কুমাৰে শেহতীয়াকৈ এই ভয়ংকৰ ঘটনাটোৰ বিষয়ে টুইট কৰিছে। ভয়ানক বাৰ্তাৰ সেই টুইটটো বৰ্তমান সামাজিক মাধ্যমত ভাইৰেল হৈ পৰিছে।
ডাঃ সুধীৰে ৩০ বছৰীয়া মঞ্জুৰৰ দুখৰ কাহিনী সদৰী কৰিছে। এটা সন্তানৰ মাতৃ মঞ্জু স্মাৰ্টফোনৰ প্ৰতি আসক্ত আছিল। তেওঁ ভাৰ্চুৱেল পৃথিৱীত নিশা পিছত নিশা উজাগৰে কটাইছিল। বাথৰুমতো লগত ৰাখিছিল ফোনটো। হঠাতে এদিন তেওঁৰ চকুত অস্বস্তি অনুভৱ হৈছিল। কিবা এটা বস্তুৰ পিনে চালে, সেই দৃশ্যটোৰ উপৰিও বিভিন্ন ৰূপৰ আকৃতি দেখা পায়। মাজে মাজে পোহৰৰ ঝলকনি দেখিবলৈ পাইছিল। কিন্তু বাস্তৱত সেইটো হোৱা নাছিল।
A common habit resulted in severe #vision impairment in a young woman
1. 30-year old Manju had severe disabling vision symptoms for one and half years. This included seeing floaters, bright flashes of light, dark zig zag lines and at times inability to see or focus on objects.
— Dr Sudhir Kumar MD DM (@hyderabaddoctor) February 6, 2023
পৰৱৰ্তী পৰ্যায়ত, মঞ্জুৰ ভিজনত কিছুমান ক’লা পেটাৰ্ণ দেখা যায়। অন্তিম পৰ্যায়ত যি ঘটে তাক অস্থায়ী অন্ধত্ব বুলি কোৱা হয়। কেতিয়াবা পোহৰৰ পৃথিৱীখন কেই ছেকেণ্ডৰ বাবে ক’লা হৈ পৰিছিল। মঞ্জু স্বাভাৱিকতে চিন্তিত হৈ পৰে।
এই অৱস্থাত তেওঁ চকু বিশেষজ্ঞ ডাঃ সুধীৰ কুমাৰৰ ওচৰলৈ গৈছিল। এক টুইটযোগে সুধীৰে কয় যে তেওঁ সকলো কথা জনাৰ পিছত মঞ্জুক কোনো ঔষধ দিয়া নাছিল। তাতেই ক্ষুব্ধ হৈ পৰে ৰোগী। প্ৰশ্নটো কৰে ৰোগটো কেনেদৰে আৰোগ্য হ’ব। সুধীৰে কৈছিল যে তেওঁ দিয়া একমাত্ৰ পৰামৰ্শটো আছিল স্মাৰ্টফোনৰ ব্যৱহাৰ হ্ৰাস কৰা। তেতিয়া আপুনি লাহে লাহে আৰোগ্য হৈ উঠিব। যদিও মঞ্জুৱে স্নায়ুৰ ডাঙৰ ক্ষতি হোৱা বুলি ভাবিছিল। হয়তো এইবাৰ চিৰদিনৰ বাবে অন্ধ হৈ পৰিব।
3. I reviewed the history. Symptoms had started after she quit her job of a beautician in order to take care of her specially abled child.
She picked up a new habit of browsing through her smartphone for several hours daily, including >2 hours at nights with lights switched off.— Dr Sudhir Kumar MD DM (@hyderabaddoctor) February 6, 2023
কিন্তু তেনে একো ঘটা নাই। চিকিৎসক সুধীৰৰ পৰামৰ্শ অনুসৰি মঞ্জু লাহে লাহে সুস্থ হৈ আহিছে। সুধীৰে কয় যে মঞ্জুৰ সৈতে যি ঘটিছিল সেয়া সকলোৰে ক্ষেত্ৰত হ’ব পাৰে। সেইকাৰণে তেওঁ গোটেই ঘটনাটো সামাজিক মাধ্যমত শ্বেয়াৰ কৰিছে।
6. Manju was anxious as she feared something sinister with her brain nerves but was finally determined to take corrective action.
She said- "instead of minimizing, I will stop looking at smartphone screen, unless absolutely necessary. In any case, my phone use is recreational."— Dr Sudhir Kumar MD DM (@hyderabaddoctor) February 6, 2023
দেশৰ সচেতন নাগৰিকসকলক চিকিৎসকৰ পৰামৰ্শ হৈছে, “ডিজিটেল সঁজুলিৰ স্ক্ৰীণখন বেছি সময় চোৱা পৰিহাৰ কৰক। ইয়াৰ কাৰণ হৈছে ই আপোনাৰ দৃষ্টিশক্তিৰ গুৰুতৰ ক্ষতি কৰিব পাৰে। আপুনি আনকি অন্ধও হ’ব পাৰে।”
