ক’ৰ’ণাতংকৰ মাজতে দেশৰ নিৱনুৱা সকলৰ বাবে সুখবৰ।
এই সুখবৰ কঢ়িয়াই আনিছে ইনষ্টিটিউট অৱ বেংকিং পাৰ্চনেল ছিলেকচন চমুকৈ IBPS এ।
দেশৰ ১১ বেংকত প্ৰয়োজন হোৱা ১৫৫৮ টা পদ পূৰণৰ বাবে IBPS এ জাননী জাৰি কৰিছে।
নিযুক্তি সম্পৰ্কীয় সবিশেষ তথ্যৰ বাবে আগ্ৰহী সকলে https://ibps.in ত যোগাযোগ কৰিব পাৰে।
মূলতঃ ক্লাৰিকেল পদৰ বাবে ইতিমধ্যে অনলাইনৰ জৰিয়তে আবেদনৰ প্ৰক্ৰিয়া আৰম্ভ হৈছে।
আবেদনৰ অন্তিম তাৰিখ ২৩ ছেপ্তেম্বৰ।যোগ্য প্ৰাৰ্থী নিৰ্বাচনৰ বাবে ক্ৰমে দুটা পৰীক্ষা— প্ৰিলিমিনেৰী আৰু মেইন অনলাইনযোগে অনুষ্ঠিত হ’ব।
প্ৰিলিমিনেৰী পৰীক্ষা ৫ ডিচেম্বৰ,১২ ডিচেম্বৰ আৰু ১৩ ডিচেম্বৰত অনুষ্ঠিত হ’ব।
মেইন পৰীক্ষা অনুষ্ঠিত হ’ব ২০২১ চনৰ ২৪ জানুৱাৰীত।
প্ৰিলিমিনেৰী পৰীক্ষাৰ এডমিট কাৰ্ড ডাউনলোড কৰিব পৰা যাব ১৭ নৱেম্বৰত।
প্ৰিলিমিনেৰী পৰীক্ষাৰ ফলাফল ঘোষণা হ’ব ৩১ ডিচেম্বৰত।মেইনৰ কল লেটাৰ ডাউনলোড কৰিব পৰা যাব ১২ জানুৱাৰীৰ পৰা।
আবেদনৰ মাচুল অনুসূচিত জাতি,জনজাতিৰ বাবে ১০০ টকা,সাধাৰণ শ্ৰেণীৰ প্ৰৰ্থীৰ বাবে ৬০০ টকা।
বয়সৰ নূন্যতম সীমা ২০ বছৰ আৰু উৰ্ধতম সীমা ২৮ বছৰ।বিভিন্ন কেটেগৰীৰ অন্তৰ্গত লোকৰ বাবে বয়স ৰেহাইৰ সুবিধা আছে।
আগ্ৰহী সকলে আবেদন পৰীক্ষা সম্পৰ্কীয় তথ্য এই লিংকত চাব পাৰিব
https://www.ibps.in/wp-content/uploads/DetailedAdvtCRPClerksX.pdf