ভাৰতীয় কাউনন্সিল ফ’ৰ মেডিকেল ৰিচাৰ্ছ(ICMR)এ হায়দৰাবাদস্থিত ভাৰত বায়’টেক ইন্টানেশ্যলন লিমিটেড( BBIL)ৰ সৈতে যুটীয়া ভাৱে কোভিড১৯ ভেকচিন তৈয়াৰ কৰিব।
শনিবাৰে ICMRএ এই কথা ঘোষণা কৰে।
ICMRএ এক বিবৃতিত কয় যে পুনেস্থিত নেশ্যনেল ইনষ্টিটিউট অৱ ভাইৰ’ল’জি( ICMRৰ এক প্ৰতিষ্ঠান)ক BBIL লৈ স্থানান্তৰ কৰিছে।
‘…যুটীয়াভাৱে প্ৰতিষেধক বিকাশ কৰাৰ বাবে কাম আৰম্ভ কৰা হৈছে। ICMR-NIVএ BBILক প্ৰতিষেধক প্ৰস্তুত কৰাৰ ক্ষেত্ৰত সহযোগিতা আগবঢ়াব।’ ICMRএ কয়।
ICMRএ আৰু BBILএ প্ৰতিষেধক বিধ বিকাশ কৰি প্ৰাণীৰ ওপৰত প্ৰয়োগ ও পৰীক্ষাৰ কৰা লগতে প্ৰতিষেধক ক্লিনিকেল মূল্যায়ন তৰান্বিত কৰাৰ বাবে অনুমোদন বিচাৰিব। যিটো ভাৰতৰ বাবে সম্পূৰ্ণ স্বদেশী হ’ব।
অৱেশ্যে এই প্ৰতিষেধকৰ সম্পৰ্কত প্ৰাক-ক্লিনিকেল অধ্যয়ন কৰা হৈছে নে অথবা প্ৰতিষেধকবিধ বিকাশৰ বাবে কি কি পদক্ষেপ লোৱা হৈছে সেই সম্পৰ্কে প্ৰতিষ্ঠানটোৱে এতিয়াই বিস্তাৰিতভাৱে জনোৱা নাই।
ভাৰত বায়’টেকৰ অধ্যক্ষ ডাঃ কৃষ্ণ এল্লাই কৈছে, ‘ICMR-NIV এ সৈতে জাতীয় স্বাৰ্থত এই প্ৰকল্পৰ অংশীদাৰ হ’বলৈ পায় আমি অত্যন্ত গৰ্বিত। কোভিড১৯ মহামাৰীৰে মোকাবিলা কৰাৰ বাবে এই প্ৰকল্পক সফল কৰাৰ চেষ্টা কৰিম।’
শনিবাৰে ঘোষণা কৰা কোভিড১৯ ভেকচিন তৈয়াৰ এই প্ৰকল্পটো হৈছে BBILৰ তৃতীয়টো উদ্যোগ।
ইয়াৰ পূৰ্বে যোৱা ২০ এপ্ৰিলত বায়’টেকন’লজি বিভাগৰ সৈতে এটি ভেকচিন বিকাশৰ বাবে সহযোগিতাৰ কৰাৰ কথা প্ৰতিষ্ঠানোটোৱে ঘোষণা কৰিছিল।
