ছত্তীশগড়ৰ বিজাপুৰ জিলাত আইইডি বিস্ফোৰণত ছত্তীশগড় সশস্ত্ৰ বাহিনীৰ এজন জোৱান আহত হয়।
দেওবাৰে পুৱা প্ৰায় ৯ বজাত এই বিস্ফোৰণটো সংঘটিত হৈছিল।
জানিব পৰা মতে ছত্তীশগড় সশস্ত্ৰ বাহিনীৰ কৰ্মীসকলে বিজাপুৰ বনাঞ্চলৰ কাষৰীয়া অঞ্চলত তহল দি আছিল। তেতিয়াই বিস্ফোৰণটো ঘটিছিল।
ছত্তীশগড় আৰক্ষীয়ে জনোৱা অনুসৰি, মাওবাদীসকলে বনাঞ্চলৰ কাষৰীয়া অঞ্চলটোত এটা আইইডি স্থাপন কৰিছিল।
আৰক্ষীয়ে তালাচীৰ সময়ত তিনিটা আইইডি উদ্ধাৰ কৰিছিল। এতিয়ালৈকে অঞ্চলটোৰ পৰা ৫ কিলোগ্ৰাম ওজনৰ তিনিটা বিস্ফোৰক উদ্ধাৰ কৰা হৈছে।
ছত্তীশগড় আৰক্ষীৰ এজন বিষয়াই কয়, “বিস্ফোৰণৰ ফলত এজন জোৱানজনে ভৰিত আঘাত পায়। তেওঁক প্ৰথমে স্থানীয় চিকিৎসালয়লৈ লৈ যোৱা হৈছিল।
ইয়াৰ পিছত আহত জোৱানজনক দান্তেৱাড়া জিলা চিকিৎসালয়লৈ স্থানান্তৰ কৰা হৈছে।
