দিনে দিনে হ্ৰাস পাইছে পুৰুষৰ প্ৰজনন ক্ষমতা! গৱেষণাত পোহৰলৈ আহিছে মাৰাত্মক তথ্য
কৰ’না মহামাৰী আৰম্ভ হোৱাৰ পৰাই বিজ্ঞানীসকলে এই বিষয়ত অহৰহ গৱেষণা চলাই আহিছে। শেহতীয়াকৈ এটা নতুন অধ্যয়ন চৰ্চালৈ আহিছে য’ত দাবী কৰা হৈছে যে কৰ’না ভাইৰাছে পুৰুষৰ প্ৰজনন ক্ষমতাত অতি বেয়া প্ৰভাৱ পেলাইছে। এই অধ্যয়ন অনুসৰি মৃদু লক্ষণৰ পিছতো কৰ’না ভাইৰাছে পুৰুষৰ প্ৰজনন ক্ষমতাত বিৰূপ প্ৰভাৱ পেলাইছে।
গৱেষকসকলে এই অধ্যয়নৰ পৰা জানিব বিচাৰিছিল যে কৰ’না ভাইৰাছৰ পৰা আৰোগ্য লাভ কৰাৰ পিছত পুৰুষৰ শুক্ৰাণুৰ সংখ্যা আচলতে হ্ৰাস পাইছে নেকি? লগতে এই সংক্ৰমণে দীৰ্ঘ সময়ৰ পিছত পুৰুষৰ শুক্ৰাণুৰ প্ৰজনন ক্ষমতাত কিবা বিৰূপ প্ৰভাৱ পেলায় নেকি? এই অধ্যয়ন অনুসৰি কৰ’না ভাইৰাছৰ পৰা সুস্থ হোৱা পুৰুষৰ শুক্ৰাণুৰ সংখ্যা অতি কম দেখা গৈছে।
লগতে পঢ়ক: এইবাৰ ‘মাংস ভক্ষক’ বেক্টেৰিয়াৰ সন্ধান! সংক্ৰমিত হ’লে এদিনৰ ভিতৰত হ’ব পাৰে মৃত্যু
শুক্ৰাণুৰ সংখ্যা কম হোৱাৰ কাৰণ হ’ল প্ৰ’টিনৰ পৰিৱৰ্তন যিয়ে শুক্ৰাণুৰ সংখ্যা বৃদ্ধি কৰে। প্ৰটিনৰ পৰিৱৰ্তনৰ বাবে পুৰুষৰ শুক্ৰাণুৰ সংখ্যা কম বুলি গৱেষণাত এই তথ্য এটা ধৰা পৰিছে। অৱশ্যে এই বিষয়ত গৱেষকসকলে এতিয়াও বিতং গৱেষণা কৰিব।
আই আই টি-বম্বেৰ এই গৱেষণা ‘এ চি এছ ওমেগা’ নামৰ এখন আলোচনীত প্ৰকাশ পাইছে। এই অধ্যয়নত আই আই টি-বম্বেৰ গৱেষকৰ লগতে যশলক হাস্পতালৰ গৱেষকসকলো জড়িত আছিল। এই অধ্যয়নত কিছুদিন পূৰ্বে কৰ’নাৰ পৰা সুস্থ হোৱা পুৰুষৰ শুক্ৰাণুৰ সংখ্যা পৰীক্ষা কৰা হৈছিল।
মন কৰিবলগীয়া যে আই আই টি-বম্বেই তেওঁলোকৰ গৱেষণাত দাবী কৰিছে যে কৰ’না ভাইৰাছৰ সংস্পৰ্শলৈ অহাৰ পিছতো আৰু মৃদু লক্ষণ দেখা দিয়াৰ পিছতো এই ভাইৰাছে পুৰুষৰ শৰীৰত নিৰ্মিত প্ৰ’টিনৰ ওপৰত অতি বেয়া প্ৰভাৱ পেলায় যিবোৰ প্ৰজননৰ বাবে প্ৰয়োজনীয়। ইয়াৰ বাবে ভৱিষ্যতে বহুতে সন্তান জন্ম দিয়াৰ ক্ষেত্ৰত সমস্যাৰ সন্মুখীন হ’ব পাৰে।
লগতে পঢ়ক: বিতৰ্কিত মন্তব্যৰে হিন্দুৰ অনুভূতিত আঘাত! পোষ্টটো ডিলিট কৰি ক্ষমা বিচাৰিলে লাকী আলীয়ে
গৱেষকসকলে প্ৰথমে ১০ জন সুস্থ পুৰুষৰ শুক্ৰাণুৰ সংখ্যা পৰীক্ষা কৰিছিল। ইয়াৰ পিছত শেহতীয়াকৈ কৰ’না ভাইৰাছৰ পৰা সুস্থ হৈ উঠা ১৭ জন পুৰুষৰ পৰীক্ষা কৰা হয়। ইয়াৰে ১৭ জন পুৰুষৰ শুক্ৰাণু তৈয়াৰ কৰা প্ৰটিনৰ মাত্ৰা কম হোৱা দেখা গৈছে। এই আটাইকেইজন পুৰুষৰ বয়স ২০ৰ পৰা ৪৫ বছৰৰ ভিতৰত। উল্লেখ্য যে ইয়াৰে ১৭ জন পুৰুষৰ পূৰ্বতে প্ৰজনন ক্ষমতাৰ কোনো সমস্যা নাছিল।