বঙাইগাঁও আই উপত্যকা বন সংমণ্ডল প্ৰাধিকাৰীৰ নিৰ্দেশত সহকাৰী বন সংৰক্ষকৰ লগতে বঙাইগাঁওস্থিত বিশেষ বন সুৰক্ষা বাহিনীয়ে এক গোপন সূত্ৰৰ পম খেদি এক অভিযান চলায় ৷
বঙাইগাঁও জিলাৰ সৃজনগ্ৰাম ৰাজহ চক্ৰৰ অন্তৰ্গত মাত্ৰাঘোলাত চলোৱা এই অভিযানত বন বিভাগে এটা অবৈধ কাঠফলা কল উৎখাত কৰে৷ লগতে কিছু সংখ্যক অবৈধ কাঠ জব্দ কৰিবলৈ সক্ষম হয়।
পিছত জব্দকৃত অবৈধ কাঠ আৰু কাঠফলা কলটো অভয়াপুৰী আঞ্চলিক বন বিষয়াৰ কাৰ্যালয়লৈ আনে ৷
বন বিভাগে ইতিমধ্যে অবৈধ কাঠফলা কলৰ গৰাকী তথা চোৰাং কাঠৰ ব্যৱসায়ীজনক কৰায়ত্ত কৰাৰ বাবে তদন্ত আৰম্ভ কৰিছে।