আজিৰে পৰা অহা ৫ দিনলৈ অসম তথা উত্তৰ পূৰ্বাঞ্চলৰ ৰাজ্য কেই খনত বুুজুলী-ঢেৰেকনিৰে বৰষুণ হ’ব।
ভাৰতীয় বতৰ বিজ্ঞান বিভাগে এই তথ্য প্ৰকাশ কৰিছে।বতৰ বিজ্ঞান বিভাগৰ তথ্য অনুসৰি অহা ৫ দিনত অসম, মেঘালয়,মিজোৰাম, ত্ৰিপুৰা মেঘালয় আদি ৰাজ্যত বিজুলী-গাজনিৰে ধাৰাসাৰ বৰষুণ হ’ব।
এই সময়ছোৱাত অসম তথা উত্তৰ পূৰ্বাঞ্চলৰ ৰাজ্য সমূহত ঘণ্টাত ৪০-৫০ কিলোমিটাৰ বেগেৰে বতাহ বলিব। বতৰৰ আগলিবতৰা অনুসৰি ২ মে’ৰ দিনা অসম আৰু উত্তৰ পূৰ্বাঞ্চলৰ ৰাজ্য সমূহত ৪০-৫০ কিলোমিটাৰ বেগেৰে বতাহ বলিব আৰু বৰষুণো হ’ব।
৩ মে’ৰ দিনা ঘণ্টাত ৩০-৪০ কিলোমিটাৰ গতি বেগেৰে বতাহ বলিব।
৪ মে’ আৰু ৫ মে’ৰ দিনাও অসম তথা উত্তৰ পূৰ্বাঞ্চলৰ ৰাজ্য কেই খনত ধুমুহা বৰষুণ হোৱাৰ সম্ভাৱনা থকা বুলি বতৰ বিজ্ঞান বিভাগে আগলিবতৰা দিছে।
ইপিনে আজি নাগালেণ্ডৰ মন জিলাৰ ৱাকচিং মহকুমাৰ ৱানচিং গাঁৱত প্ৰচণ্ড শিলাবৃষ্টি হয়।
শিলাবৃষ্টিৰ ফলত ঘৰৰ চালকে ধৰি চোতাল আদি শিলে ঢাকি ধৰে। শিলাবৃষ্টিয়ে সমগ্ৰ গাঁও খনতে সৃষ্টি কৰে এক অভূতপূৰ্ব পৰিবেশৰ।
প্ৰচণ্ড শিলাবৃষ্টিৰ ফলত কোনো লোক হতাহত হোৱা নাই যদিও শস্য পথাৰৰ বিস্তৰ ক্ষতিসাধন হোৱা বুলি জানিব পৰা গৈছে।
