১৩ নং ডিব্ৰুগড় লোকসভা সমষ্টি উজনি অসমৰ ব্ৰহ্মপুত্ৰৰ দক্ষিণ পাৰৰ এটা অসংৰক্ষিত সমষ্টি। ভোটাৰৰ সংখ্যাৰ দিশৰ পৰা অসমৰ ১৪টা সমষ্টিৰ ভিতৰত এই সমষ্টিটো দ্বাদশ স্থানত আছে।
- মুঠ ভোটাৰৰ সংখ্যা ১২,৯৭,৬৭১জন
- পুৰুষ ভোটাৰ : ৬,৫৬,৪৮৭জন
- মহিলা ভোটাৰ : ৬,৪১,১৬১গৰাকী
- তৃতীয় লিংগৰ ভোটাৰ: ২৩গৰাকী
মুঠ ভোটকেন্দ্ৰ আছে ১৬৫৭টা
১৯৫১ চনৰ প্ৰথমটো সাধাৰণ নিৰ্বাচনত কংগ্ৰেছৰ যোগেন্দ্ৰ নাথ হাজৰিকা সমষ্টিটোৰ প্ৰথমজন সাংসদ হিচাপে নিৰ্বাচিত হৈছিল।
সমষ্টিটো বৰ্তমান বিজেপিৰ দখলত আছে। সাংসদ ৰামেশ্বৰ তেলী। তেলী ২০১৪ চনত প্ৰথমবাৰৰ বাবে সাংসদ হিচাপে নিৰ্বাচিত হৈছে।
ডিব্ৰুগড় সমষ্টিত বিধানসভাৰ ৯টা সমষ্টি অন্তৰ্গত। সেইকেইটা ক্ৰমে-
১। মৰাণ (বিজেপিৰ দখলত, বিধায়ক চক্ৰধৰ গগৈ)
২। ডিব্ৰুগড় (বিজেপিৰ দখলত, বিধায়ক প্ৰশান্ত ফুকন)
৩। লাহোৱাল (বিজেপিৰ দখলত, বিধায়ক ঋতুপৰ্ণ বৰুৱা)
৪। দুলীয়াজান (বিজেপিৰ দখলত, বিধায়ক তেৰেছ গোৱালা)
৫। টিংখাং (বিজেপিৰ দখলত, বিধায়ক বিমল বৰা)
৬। নাহৰকটীয়া (বিজেপিৰ দখলত, অগপ নৰেন সোণোৱাল)
৭। তিনিচুকীয়া (বিজেপিৰ দখলত, বিধায়ক সঞ্জয় কিষাণ)
৮। ডিগবৈ (বিজেপিৰ দখলত, বিধায়ক সুৰেন ফুকন)
৯। মাৰ্ঘেৰিটা (বিজেপিৰ দখলত, বিধায়ক ভাস্কৰ শৰ্মা)
২০০৪ আৰু ২০১৪ চনৰ বাদে আটাইকেইটা নিৰ্বাচনত সমষ্টিটো কংগ্ৰেছৰ দখলত আছিল।
২০০৪ চনৰ সাধাৰণ নিৰ্বাচনত সমষ্টিটোৰ পৰা বৰ্তমানৰ মুখ্য মন্ত্ৰী সৰ্বানন্দ সোণোৱাল অগপ দলৰ পৰা নিৰ্বাচিত হৈছিল। ২০০৯ চনত কংগ্ৰেছৰ পৱন সিং ঘাটোৱাৰে পুনৰ সমষ্টিটো দখল কৰে। কিন্তু ২০১৪ চনত সমষ্টিটো বিজেপিৰ দখললৈ যায়। ৰামেশ্বৰ তেলী জয়ী হয় ঘাটোৱাৰক হৰুৱাই। তেলীয়ে ৪,৯৪,৩৬৪টা ভোট পায়। দ্বিতীয় স্থানত থকা ঘাটোৱাৰতকৈ তেওঁ ১,৮৫,৩৪৭টা ভোট বেছিকৈ পায়।
২০১৯ চনৰ দেশৰ সপ্তদশ লোকসভা নিৰ্বাচনৰ প্ৰথম পৰ্য্যায়ত সমষ্টিটোত ভোটগ্ৰহণ সম্পন্ন হ’ব। প্ৰথম পৰ্য্যায়ৰ ভোটগ্ৰহণ অহা ১১ এপ্ৰিলত।
নিৰ্বাচনৰ বাবে সমষ্টিটোত মুঠ ৮জন প্ৰাৰ্থীৰ মনোনয়ন বৈধ বিবেচিত হৈছে। তেওঁলোক হ’ল ক্ৰমে- বিজেপিৰ ৰামেশ্বৰ তেলী, কংগ্ৰেছৰ পৱন সিং ঘাটোৱাৰ, নিৰ্দলীয় নুৰুল হুদা ইমদাদুল ইচলাম শইকীয়া, বহুজন মুক্তি পাৰ্টিৰ ড০ টাইটাছ ভেংৰা, নিৰ্দলীয় ৰুবুল বুঢ়াগোহাঁই, নিৰ্দলীয় ইজৰাইল নন্দা, নিৰ্দলীয় অপূৰ্ব শইকীয়া, এন পি পিৰ ভবেন বৰুৱা।
