ভাৰতত ক’ৰ’না ভাইৰাছৰ সংক্ৰমণৰ পৰা আৰোগ্য লাভ কৰা লোকৰ সংখ্যাই ৫০ লাখৰ সংখ্যা অতিক্ৰম কৰিছে।
বিগত ২৪ ঘণ্টাত ভাৰতত ৭৪,৮৯৩ গৰাকী লোক চিকিৎসাৰ অন্তত ক’ৰ’না ভাইৰাছৰ পৰা আৰোগ্য লাভ কৰাৰ পাছত ভাৰতত এতিয়ালৈ আৰোগ্য লাভ কৰা লোকৰ সংখ্যা ৫০,১৬,৫২০ গৰাকীলৈ বৃদ্ধি পায়।
ইয়াৰ লগে লগে ভাৰতত ক’ৰ’না ভাইৰাছৰ সংক্ৰমণৰ পৰা আৰোগ্য লাভ কৰা লোকৰ হাৰো ৮২ শতাংশলৈ বৃদ্ধি পায়।
ভাৰতৰ স্বাস্থ্য আৰু পৰিয়াল কল্যাণ মন্ত্ৰ্যালয়ৰ তৰফৰ পৰা এই কথা প্ৰকাশ কৰে।
ভাৰতত বৰ্তমানলৈ মুঠ ৬০,৭৪,৭০২ গৰাকী লোক ক’ৰ’না ভাইৰাছৰ দ্বাৰা সংক্ৰমিত হৈছে আৰু ইয়াৰ ভিতৰত ৯৫,৫৪২ গৰাকী লোকৰ মৃত্যু হৈছে।
বৰ্তমান দেশৰ বিভিন্ন চিকিৎসালয়ত মুঠ ৯,৬২,৬৪০ গৰাকী সক্ৰিয় কোভিড ৰোগী চিকিৎসাধীন হৈ আছে।
উল্লেখযোগ্য যে, ভাৰতত বিগত ১১ দিনত ১০ লাখতকৈ অধিক লোক চিকিৎসাৰ অন্তত ক’ৰ’না মুক্ত হৈছে।
