সোমবাৰে সন্ধিয়াৰ ভাগত সমগ্ৰ বিশ্বজুৰি গুগলৰ ভালেসংখ্যক সেৱা ব্যাহত হৈ পৰে।
য়ু টিউব, জিমেইল, গুগল ড্ৰাইভ, গুগল মেপছ আৰু গুগল মিট সোমবাৰে সন্ধিয়া কিছু সময় ধৰি ব্যাহত হৈ পৰে।
বিশ্বৰ বহু সংখ্যক ইণ্টাৰনেট ব্যৱহাৰকাৰীয়ে গুগলৰ সেৱা য়ু টিউব, জিমেইল, গুগল ড্ৰাইভ আদি ব্যৱহাৰ কৰিব পৰা নাই বুলি উক্ত সময়ছোৱাত টুইট কৰে।
য়ু টিউবৰ হোমপেইজত ‘চামথিং ওৱেণ্ট ৰং…..’ বাৰ্তা দেখুওৱাৰ বিপৰীতে জিমেইলত ‘টেম্প’ৰাৰী এৰ’ৰ(৫০০)’ বুলি দেখুৱাই।
সন্ধিয়া প্ৰায় ৫ মান বজাৰ পৰা গুগলৰ সেৱা সমূহৰ এনেধৰণৰ অসুবিধাই দেখা দিয়ে।
আনহাতে, য়ু টিউবে তেওঁলোকৰ সেৱা সমূহ ব্যাহত হোৱা সন্দৰ্ভত গ্ৰাহক সকলক টুইট কৰি জনায়।
‘চাৰ্ভিছ উইল বেক আফ এণ্ড ৰানিং’ য়ুটিউবে গ্ৰাহক সকলৰ বাবে এইদৰে টুইট কৰে।
এই সকয়ছোৱাত য়ুটিউব ব্যৱহাৰ কাৰী সকলে মোবাইল অথবা কম্পিউটাৰত কোনোধৰণৰ ভিডিঅ’ আদি চাব পৰা নাছিল।
অৱশ্যে পৰৱৰ্তী সময়ত গুগলে এই অসুবিধা দূৰ কৰে আৰু গ্ৰাহক সকলক স্বাভাৱিক সেৱা আগবঢ়াই।
