২০২৪ চনত নিউজিলেণ্ড, ২০২৫ চনত দক্ষিণ আফ্ৰিকা।একেৰাহে দুবছৰ ধৰি ঘৰুৱা মাটিত হোৱা টেষ্টত চৰম বিফলতাৰ মুখ দেখিছে গম্ভীৰ ব্ৰিগেডে। প্ৰটিয়াছৰ বিৰুদ্ধে দ্বিতীয়খন টেষ্টৰ অন্তিম ইনিংছত ভাৰতে মাত্ৰ ১৪০ ৰান সংগ্ৰহ কৰি অল আউট হয়। ইডেনৰ পাছত গুৱাহাটীত অনুষ্ঠিত টেষ্ট মেচখনত ভাৰত ৪০৮ ৰানত পৰাস্ত হয়। ঘৰুৱা মাটিত ভাৰতৰ টেষ্ট আধিপত্যৰ গৌৰৱ যেন ব্ৰহ্মপুত্ৰৰ পানীত ডুব গ’ল।
শেষৰ দিনটোত সন্মুখত আছিল অসম্ভৱ লক্ষ্য। ৫২২ ৰানৰ লক্ষ্য ভাৰতে আগত ৰাখি আগবাঢ়িছিল কিন্তু সেয়াই আচল সমস্যা নাছিল। গোটেই দিনটোত ভাৰতে ৮টা উইকেট ৰক্ষা কৰিব লগা হৈছিল। ভাৰতীয় দলৰ বেটিঙৰ অৱস্থাৰ প্ৰতি লক্ষ্য ৰাখি গোটেই দিনটো বেটিং কৰাটো আছিল সপোনৰো অগোচৰ। আৰু ঋষভ পন্তে সেই কথা প্ৰমাণ কৰিলে। দুপৰীয়াৰ আহাৰ গ্ৰহণলৈকে উইকেট জীয়াই থাকিব নোৱাৰিলে নীতিশ কুমাৰ ৰেড্ডী আৰু পণ্ট বাহিনীয়ে। উল্লেখ্য যে দক্ষিণ আফ্ৰিকাই ২৫ বছৰ ধৰি ভাৰতৰ মাটিত অনায়াসে টেষ্ট শৃংখলাত জয়লাভ কৰি আহিছে। আৰু ভাৰত কেতিয়াও ইমান ডাঙৰ ব্যৱধানত কোনো টেষ্টত পৰাস্ত হোৱা নাই।
ক’ৰ পৰা আৰম্ভ হৈছিল এই যাত্ৰা?
টছত পৰাজিত হোৱাটো আছিল পণ্টৰ দুৰ্ভাগ্য। বাকী দল নিৰ্বাচনৰ পৰা আৰম্ভ কৰি বলিঙৰ পৰিৱৰ্তনলৈকে ভাৰতৰ থিংক টেংকে সকলোকে আচম্বিত কৰি তুলিছে। ফিল্ডিঙত যথেষ্ট খেলিমেলিৰ সৃষ্টি হৈছিল। কাক কেতিয়া বলিং কৰিবলৈ আনিব সেইটো পণ্টে সিদ্ধান্ত ল’ব পৰা নাছিল। ফলত দক্ষিণ আফ্ৰিকাই সহজেই ৪৮৯ ৰান সংগ্ৰহ কৰে। আৰু তাতেই ভাৰতীয় দলটোক প্ৰথম ইনিংছত মাত্ৰ ২০১ ৰান সংগ্ৰহ কৰি অল আউট কৰা হৈছিল।
দ্বিতীয় ইনিংছত ছবিখন কম বেছি পৰিমাণে একেই। দক্ষিণ আফ্ৰিকাই কুলদীপক ‘ছুইপিং’ অৰ্থাৎ ছুইপিং-ৰিভাৰ্ছ ছুইপিং কৰি ব’ৰ্ডত ২৬০ ৰান সংগ্ৰহ কৰে। বহুতে ভাবিছিল যে তেওঁলোকে হয়তো ডিক্লেয়াৰ কৰাত পলম কৰিছে। কিন্তু ভাৰতীয় অ’পেনাৰ দুগৰাকীক আউট হোৱাত টেম্বা বাভুমাই কোনো ভুল নকৰিলে। জয়ৰ লক্ষ্য আছিল ৫৪৯ ৰান। চতুৰ্থ দিনৰ শেষত ভাৰতৰ স্ক’ৰ আছিল ২৭ ৰান। পঞ্চম দিনা দুপৰীয়াৰ আহাৰ গ্ৰহণলৈকে কোনো টিকি থাকিব নোৱাৰিলে। তথাপিও চেষ্টা কৰি থাকিল অভিজ্ঞ ৰবীন্দ্ৰ জাদেজাই (৫৪)। তথাপিও স্পিন চম্ভালিব পৰা এজনৰ প্ৰয়োজন আছিল। ঋ
যোৱা বছৰ ভাৰতৰ মাটিত নিউজিলেণ্ডৰ হাতত ৩-০ত পৰাস্ত হৈছিল ভাৰত। এইবাৰ দক্ষিণ আফ্ৰিকাৰ হাতত ২-০ ত পৰাস্ত হয়। টেষ্ট ক্ৰিকেটৰ ইতিহাসত ঘৰুৱা মাটিত তিনিবাৰকৈ পৰাস্ত হৈছে ভাৰত। ইয়াৰে গম্ভীৰৰ কাৰ্যকালত দুবাৰ। সেয়েহে ক্ৰীড়াপ্ৰেমীৰ মনত প্ৰশ্নৰ উদয় হৈছে দিশহীন ভাৰতীয় ক্ৰিকেটক কোন দিশলৈ লৈ যাব গম্ভীৰে?
