India beat Bangladesh by 188 runs কে এল ৰাহুলৰ নেতৃত্বত ভাৰত-বাংলাদেশ শৃংখলাৰ প্ৰথমখন টেষ্টত ভাৰতে সহজে জয়লাভ কৰিছে। ভাৰতে দেওবাৰে চিটাগং টেষ্টৰ পঞ্চম দিনৰ প্ৰথম ছেছনতে জয়লাভ কৰে। অন্তিম দিনা বাংলাদেশক জয়ৰ বাবে ২৪১ ৰাণৰ প্ৰয়োজন আছিল। কিন্তু বাংলাদেশে বাকী চাৰিটা উইকেট মাত্ৰ ৫২ ৰাণত হেৰুৱায়।
৫১৩ ৰাণৰ লক্ষ্য অনুসৰণ কৰি বাংলাদেশৰ ইনিংছ ৩২৪ ৰাণত শেষ হয়। ফলস্বৰূপে, ভাৰত ১৮৮ ৰাণত বিজয়ী হয়। সেইদৰে টীম ইণ্ডিয়াই শৃংখলাটোত ১-০ ৰ অগ্ৰগতি লাভ কৰে।
দ্বিতীয় ইনিংছত তুলনামূলকভাৱে ভাল বেটিং কৰা স্বত্বেও বাংলাদেশে প্ৰথম ইনিংছৰ বিফলতাৰ বাবে মূল্য ভৰিব লগা হৈছিল। টেষ্টৰ অন্তিম দিনটোত বাংলাদেশক জয়ৰ বাবে ২৪১ ৰাণৰ প্ৰয়োজন হৈছিল। হাতত আছিল মাত্ৰ ৪ টা উইকেট। চাকিব আল হাছান আৰু মেহিদী হাছান মিৰাজ ক্ৰীজত আছিল। এনে লাগিছিল যে বাংলাদেশে তেওঁলোকৰ ভৰ দি অলপ যুঁজ দিব। কিন্তু মেহেদী মাত্ৰ ১৩ ৰাণত আউট হৈছিল। চাকিব ৮৪ ৰাণত আউট হয়।
বাংলাদেশৰ অধিনায়ক পেভিলিয়নলৈ উভতি যোৱাৰ পিছত ভাৰতৰ বিজয় মাত্ৰ আনুষ্ঠানিকতাহে আছিল। ভাৰতীয় বলাৰসকলে প্ৰত্যাশিত বিজয় পাবলৈ বেছি সময় অপেক্ষা কৰিব লগা হোৱা নাছিল। প্ৰথম ইনিংছৰ দৰে বাংলাদেশৰ বেটছমেনসকলে দ্বিতীয় ইনিংছতো স্পিনত ধৰাশায়ী হৈছিল। অক্ষৰ পেটেলে ৪ টা আৰু কুলদীপ যাদৱে ৩ টা উইকেট দখল কৰে। ৰবিচন্দ্ৰন অশ্বিন, উমেশ যাদৱ আৰু মহম্মদ চিৰাজে এটাকৈ উইকেট দখল কৰে।
প্ৰথমে বেটিং কৰি ভাৰতে প্ৰথম ইনিংছত ৪০৪ ৰাণ সংগ্ৰহ কৰে। বাংলাদেশৰ প্ৰথম ইনিংছ মাত্ৰ ১৫০ ৰাণত সমাপ্ত হৈছিল। কে এল ৰাহুলে দ্বিতীয় ইনিংছত ২ উইকেটৰ বিনিময়ত ২৫৮ ৰাণ হোৱাৰ লগে লগে ইনিংছ ঘোষণা কৰিছিল। শুভমান গিল আৰু চেতেশ্বৰ পূজাৰাই দুটা শতক অৰ্জন কৰিছিল।
বাংলাদেশৰ জাকিৰ হাছানে দ্বিতীয় ইনিংছত শতক অৰ্জন কৰিলেও খেলখন বচাব নোৱাৰিলে। অৱশেষত অধিনায়ক চাকিব আল হাছানৰ যুঁজাৰু ইনিংছটোও কামত নাহিল। ইপিনে, ভাৰতে একেৰাহে ১০ খন টেষ্ট মেচ জিকাৰ অভিলেখ গঢ়িলে।