Hockey World Cup 2023: স্পেইনক হৰুৱাই হকী বিশ্বকাপত দুৰ্দান্ত আৰম্ভণি ভাৰতৰ
হকী বিশ্বকাপত ভাৰতে সুন্দৰ আৰম্ভণি কৰিছে। শুকুৰবাৰে ৰাউৰকেলাৰ বীৰচা মুণ্ডা ষ্টেডিয়ামত হৰমনপ্ৰীতৰ দলটোৱে স্পেইনক ২-০ গ’লত পৰাস্ত কৰে। দুৰ্দান্ত প্ৰদৰ্শন দাঙি ধৰে হাৰ্দিক সিঙে। অমিত ৰোহিদাসেও গ’ল কৰে।
শক্তিশালী স্পেইনৰ বিৰুদ্ধে খেলপথাৰত নমাৰ আগতে ভাৰত পৰিসংখ্যাত পিছ পৰি আছিল। বিগত পাঁচখন মুখামুখি হোৱা খেলত ভাৰতে মাত্ৰ এবাৰহে জয়লাভ কৰিছিল। কিন্তু হকী বিশ্বকাপৰ প্ৰথমখন খেলত ভাৰতে মেচখন জিকিলে।
লগতে পঢ়ক: ৩৭৯ ৰাণৰ দুৰ্দান্ত ইনিংছৰ সুবাদতে টী-২০ দলত পৃথ্বী! অক্ষৰ-ৰাহুলক ছুটী, দললৈ উভতিল জাদেজা
শুকৰুবাৰে আৰম্ভণিৰ পৰাই ভাৰতে স্পেইনৰ ওপৰত হেঁচা প্ৰয়োগ কৰিছিল। প্ৰথম কোৱাৰ্টাৰতে দলটো আগবাঢ়ি গৈছিল। অমিত ৰোহিদাসে পেনাল্টি কৰ্ণাৰৰ পৰা গ’ল কৰিছিল। এইটো বিশ্বকাপত ভাৰতৰ ২০০ তম গ’ল।
দ্বিতীয়াৰ্ধত পুনৰ এটা গ’ল। এইবাৰ হাৰ্দিক সিঙে ব্যৱধান বৃদ্ধি কৰে। তেওঁ নিজস্ব দক্ষতাৰে স্পেনিছ বক্সত প্ৰৱেশ কৰিছিল। তেওঁক বাধা দিবলৈ যাওতে বলটো স্পেনিছ ডিফেণ্ডাৰৰ ষ্টিকত লাগি গ’ললৈ যায়।
𝐅𝐮𝐥𝐥-𝐓𝐢𝐦𝐞: 𝐈𝐧𝐝𝐢𝐚 𝟐-𝟎 𝐒𝐩𝐚𝐢𝐧
India put in a brilliant defensive display in the second half to keep the Spanish attack quiet and seal the win and get 3 crucial points in Pool D.
📱- Download the https://t.co/71D0pOq2OG App to follow all the updates. pic.twitter.com/ScttIzAYeD
— International Hockey Federation (@FIH_Hockey) January 13, 2023
আক্ৰমণ, মিডফিল্ড আৰু প্ৰতিৰক্ষা, ভাৰতে তিনিওটা বিভাগতে ভাল খেলিছিল। তৃতীয় কোৱাৰ্টাৰৰ আৰম্ভণিতে হৰমনপ্ৰীত সিঙে ইয়াক ৩-০ কৰাৰ সুযোগ পাইছিল। তেওঁক বক্সৰ ভিতৰতে ফাউল কৰা হৈছিল। তেওঁ স্পেনিছ গ’লৰক্ষকক লক্ষ্য কৰি পেনাল্টি ষ্ট্ৰোক মাৰিছিল। বল গ’ললাইন অতিক্ৰম নকৰাৰ বাবে গ’লটো বাতিল কৰা হৈছিল। ভাৰতৰ পৰৱৰ্তী খেলখন দেওবাৰে ইংলেণ্ডৰ বিৰুদ্ধে হ’ব।