এইবাৰ ভাৰতত প্ৰৱেশ কৰিলে এইচ এম পি ভি (HMPV)। জানিব পৰা মতে, বেংগালুৰুৰ এটি শিশুৰ মৃতদেহত এই ভাইৰাছৰ উপস্থিতি পোৱা গৈছে। আক্ৰান্ত ৮ মহীয়া শিশুটিক চিকিৎসালয়ত ভৰ্তি কৰোৱা হৈছে। ব্যক্তিগত চিকিৎসালয়ৰ লেবত শিশুটিৰ নমুনা পৰীক্ষা কৰা হয়। তাৰ শৰীৰৰ নমুনা পৰীক্ষাৰ সময়তে এই ভাইৰাছৰ অৱস্থিতি ধৰা পৰে। অৱশ্যে ভাৰত চৰকাৰৰ মতে বহু বছৰ পূৰ্বেও দেশত এইচ এম পি ভি পোৱা গৈছিল।
বিশেষজ্ঞসকলৰ মতে এইচএমপিভি বা হিউমেন মেটানিউৰ’ভাইৰাছ ১১ বছৰৰ তলৰ শিশুৰ ক্ষেত্ৰত বেছিকৈ দেখা যায়। জ্বৰত আক্ৰান্ত ৰোগীৰ ভিতৰত ০.৭ শতাংশৰ দেহত এইচএমপিভি থাকে।
কিন্তু শেহতীয়াকৈ চীনত এই ভাইৰাছৰ কোনটো ষ্ট্ৰেইনে আধিপত্য দেখুৱাইছে সেই লৈ অন্ধকাৰত আছে কৰ্ণাটকৰ স্বাস্থ্য বিভাগ। তেওঁলোকৰ মতে ব্যক্তিগত চিকিৎসালয়ৰ পৰা ৰিপৰ্ট পালেও এইচএমপিভিৰ অস্তিত্বক লৈ কোনো সন্দেহ নাই। কিন্তু বেংগালুৰু বেপ্টিষ্ট হাস্পতালত ভৰ্তি হোৱা শিশুটিৰ দেহত এইচএমপিভিৰ কোনটো ভেৰিয়েন্ট পোৱা গৈছে সেয়া এতিয়াও জানিব পৰা হোৱা নাই।
উল্লেখ্য যে দেওবাৰে এইচ এম পি ভিৰ প্ৰভাৱৰ কথা উল্লেখ কৰি কেৰালা চৰকাৰে জনসাধাৰণক আতংক বিয়পাই নিদিবলৈ পৰামৰ্শ দিছিল। কিন্তু ঘৰৰ বাহিৰলৈ যোৱাত মাস্ক ব্যৱহাৰ কৰিবলৈ কৈছে। গৰ্ভৱতী মহিলা আৰু বয়স্ক নাগৰিকে বিশেষ সাৱধান হোৱা উচিত।
তেলেংগানাতো একেধৰণৰ সতৰ্কবাণী জাৰি কৰা হয়। যদিও শনিবাৰে স্বাস্থ্য মন্ত্ৰালয়ে এক অধিসূচনাযোগে আতংকিত হ’বলগীয়া একো নাই বুলি নিশ্চিত কৰিছে, তথাপিও পৰিষ্কাৰ-পৰিচ্ছন্নতাৰ নিয়ম মানি চলাটো বাঞ্ছনীয়। এই গাইডলাইন জাৰি হোৱাৰ পিছতহে কেৰালাৰ চুবুৰীয়া ৰাজ্য কৰ্ণাটকত এই ভয়ংকৰ চীনা ভাইৰাছ পোৱা গৈছে। কিন্তু সেই ৰাজ্যই প্ৰকাশ কৰা অনুসৰি শেহতীয়াকৈ নাগৰিকসকলৰ শ্বাস-প্ৰশ্বাসজনিত সমস্যা বৃদ্ধি হোৱা নাই।
এইচ এম পি ভিৰ বিষয়ে দেশবাসীক আশ্বাস দিছে স্বাস্থ্য মন্ত্ৰালয়ে। শনিবাৰে এইচ এম পি ভি ভাইৰাছ সন্দৰ্ভত যৌথ নিৰীক্ষণ গোটৰ বৈঠক আহ্বান কৰে মন্ত্ৰালয়ে। বৈঠকৰ অন্তত স্বাস্থ্য মন্ত্ৰালয়ে এক বিবৃতি প্ৰকাশ কৰি কয় যে, ‘WHOৰ পৰা পোৱা খবৰৰ ওপৰত বিষয়াসকলে তীক্ষ্ণ দৃষ্টি ৰাখিছে। স্বাস্থ্য মন্ত্ৰালয়েও এই পৰিস্থিতিৰ সৈতে মোকাবিলা কৰিবলৈ দেশ সম্পূৰ্ণ প্ৰস্তুত বুলি প্ৰকাশ কৰে।
