বিশ্ব সংবাদ মাধ্যমৰ স্বাধীনতা সূচকাংকত আৰু অধিক অৱনমিত হৈছে ভাৰতৰ স্থান। ‘ৰিপ’ৰ্টাৰ্ছ উইদাউট বৰ্ডাৰছ’ বা আৰ এছ এফে প্ৰকাশ কৰা তালিকাত ১৮০খন দেশৰ ভিতৰত ১৬১ নম্বৰ স্থানত আছে ভাৰত। ২০২১ চনত ভাৰত ১৪২ নম্বৰত আছিল। যোৱা বছৰ দেশখনে কিছু তললৈ নামি ১৫০ টা স্থান দখল কৰিছিল। এইবাৰ দেখা গ’ল যে ভাৰত এই তালিকাত ১৬১ নম্বৰলৈ নামি আহিছে।
প্ৰতিবেদন অনুসৰি, সাংবাদিকৰ ওপৰত হিংসা, ৰাজনৈতিক পক্ষপাতমূলক সংবাদ মাধ্যমকে ধৰি বিভিন্ন কাৰণে ভাৰতৰ এই পৰিস্থিতি। পাকিস্তান, নেপাল, শ্ৰীলংকাৰ দৰে চুবুৰীয়া দেশসমূহো এই তালিকাত ভাৰততকৈ উন্নত স্থানত আছে।
লগতে পঢ়ক: কেডবেৰীত লিষ্টেৰিয়াৰ আতংক! সমগ্ৰ ইউৰোপতে লাখ লাখ লোকে খোৱা বন্ধ কৰিবলৈ লৈছে চকলেট
বিশ্ব সংবাদ মাধ্যমৰ স্বাধীনতা সূচকাংকত ১৫০ নম্বৰত আছে পাকিস্তান। নেপালৰ স্থান ৯৫ নম্বৰত। শ্ৰীলংকা ১৩৫ নম্বৰ স্থানত। অৱশ্যে ম্যানমাৰে তালিকাত আৰু ৩টা স্থান নামি ১৭৩স্থান লাভ কৰে। বাংলাদেশৰ স্থান ১৬৩।
আজি বিশ্ব সংবাদ মাধ্যম স্বাধীনতা দিৱস(World Press Freedom Index)। আজিয়েই এই তালিকাখন প্ৰকাশ পাইছে। প্ৰতিবেদনত কোৱা হৈছে যে ২০২৩ চনৰ ১ জানুৱাৰীৰ পৰা এজন সাংবাদিকৰ মৃত্যু হৈছে। ১০ গৰাকী সাংবাদিক কাৰাবন্দী হৈছে।
লগতে পঢ়ক: খেলি থাকোঁতে হঠাতে ৰাস্তাৰ কুকুৰৰ আক্ৰমণ; কামুৰি শৰীৰ চিৰাচিৰ কৰা নাবালকৰ কৰুণ মৃত্যু
মুঠতে সংবাদ মাধ্যমৰ ক্ষেত্ৰতো ভাৰত এখন ‘অতি বিপদজনক’ দেশ। উল্লেখ্য যে নৰৱে, আয়াৰলেণ্ড আৰু ডেনমাৰ্ক এই তালিকাৰ একেবাৰে শীৰ্ষত আছে। আৰু একেবাৰে তলত আছে ভিয়েটনাম, চীন আৰু উত্তৰ কোৰিয়া।
