দেশত ২৪ঘন্টাত অভিলেখ সংখ্যক ১৫হাজাৰতকৈয়ো অধিক লোক কৰ’নাত আক্ৰান্ত
কৰ’না ভাইৰাছৰ সংক্ৰমণ দেশত দ্ৰুতগতিত বৃদ্ধি পাইছে। প্ৰতিদিনে কৰ’না সংক্ৰমণৰ হাৰ বৃদ্ধি পাই অহা ঘটনাই স্বাভাৱিকতে উদ্বিগ্নতাৰ সৃষ্টি কৰিছে।
স্বাস্থ্য মন্ত্ৰ্যালয়ে দেওবাৰে প্ৰকাশ কৰা তথ্য অনুসৰি, দেশত কৰ’না আক্ৰান্ত ৰোগীৰ সংখ্যা ৪,১০,৪৬১জনলৈ বৃদ্ধি পাইছে।
এতিয়ালৈকে ২,২৭,৭৫৬জন ৰোগী সুস্থ হৈ উঠিছে।
দেশত কোভিড-১৯ৰ ফলত এতিয়ালৈকে ১৩,২৫৪জন লোকৰ মৃত্যু হৈছে।
আনহাতে, যোৱা ২৪ ঘন্টাত সৰ্বাধিক ১৫,৪১৩জন লোক নতুনকৈ কৰ’নাত আক্ৰান্ত হৈছে।
দেশত এয়া এতিয়ালৈকে সংক্ৰমণৰ সৰ্বাধিক অভিলেখ।
যোৱা ২৪ ঘন্টাত কোভিড-১৯ৰ ফলত দেশত মুঠতে ৩০৬জন লোকৰ মৃত্যু হৈছে।
দেশত আৰোগ্যৰ হাৰ সামান্য বৃদ্ধি পাই এতিয়া ৫৫.৪৮শতাংশ হৈছেগৈ।
যোৱা ২৪ঘন্টাত গোটেই দেশতে ১৩,৯২৫জন কৰ’না আক্ৰান্ত ৰোগীয়ে আৰোগ্য লাভকৰিছে।
দেশত বৰ্তমান সক্ৰিয় কোভিড-১৯ ৰোগীৰ সংখ্যা হৈছে ১,৬৯,৪৫১জন।
আইচিএমৰৰ তথ্য অনুসৰি, দেশত এতিয়ালৈকে ৬৮০৭২২৬টা নমুনা পৰীক্ষা কৰা হৈছে। এদিনৰ ভিতৰত যোৱা ২৪ ঘন্টাত ১৯০৭৩০টা নমুনা পৰীক্ষা কৰা হৈছে।