কটন বিশ্ববিদ্যালয়ৰ ছাত্ৰ তথা উদীয়মান শিল্পী তুষাৰ ভূঞাই ২০১৯ বৰ্ষৰ ‘ষ্টাৰ য়ুথ আইকনিকH এৱাৰ্ড’ লাভ কৰি ৰাষ্ট্ৰীয় পৰ্যায়ত অসমৰ নাম উজলাবলৈ সক্ষম হৈছে।
ইংৰাজী বিভাগৰ পঞ্চম ষাণ্মাসিকৰ ছাত্ৰ তুষাৰে অসমৰ সংগীতৰ ক্ষেত্ৰত আগবঢ়োৱা বিশেষ অৱদানৰ বাবে ইণ্ডিয়া ষ্টাৰ এৱাৰ্ডছে এই বঁটা প্ৰদান কৰে।
উল্লেখ্য যে তেওঁ কটন বিশ্ববিদ্যালয়ৰ ২০১৫-১৬ আৰু ২০১৭-১৮ বৰ্ষৰ কটন বিশ্ববিদ্যালয়ৰ শ্ৰেষ্ঠ গায়কৰ সন্মান লাভ কৰাৰ লগতে কটন বিশ্ববিদ্যালয় নবীনৰ সাংস্কৃতিক সম্পাদকৰো দায়িত্বত আছে। তেওঁৰ এই সাফল্যত নবীনৰ পৰিয়ালে আনন্দ প্ৰকাশ কৰাৰ লগতে তেওঁ শুভেচ্ছা প্ৰদান কৰে।
বৰপেটা নিবাসী হৰেন ভূঞা আৰু ৰঞ্জুমণি ভূঞাৰ সুসন্তান তুষাৰৰ এই কৃতিত্বই পৰিয়ালৰ মাজতো আনন্দৰ জোৱাৰ উঠিছে।
উল্লেখ্য যে বিগত বৰ্ষ সমূহৰ দৰে এই বছৰো সাংস্কৃতিক, স্বাস্থ্য, শিক্ষা, খেলজগত আদি বিভিন্ন ক্ষেত্ৰত অৱদান আগবঢ়োৱা ভাৰতৰ ১০৪ গৰাকী ব্যক্তিক এই বঁটা তথা সন্মান প্ৰদান কৰা হৈছে।
