ইজৰাইল-পেলেষ্টাইন সংঘাতৰ বিষয়টোক লৈ মুখ মেলিছে আৰ এছ এছৰ মুৰব্বী মোহন ভাগৱতে। তেওঁ দেশবাসীক আশ্বাস দিয়ে যে ভাৰতত এনে কোনো যুদ্ধ কেতিয়াও নহয়। কাৰণ হিন্দু সমাজ ধৰ্মীয়ভাবে উদাৰ।
লগতে তেওঁ কয় যে ভাৰতে কেতিয়াও এনে বিতৰ্কত সোমাব নালাগিছিল।
মোহন ভাগৱতে মথাৰা ৰজা ছাত্ৰপতি শিৱাজী মহাৰাজৰ ৰাজ অভিষেকৰ ৩৫০ বছৰীয়া জয়ন্তী উপলক্ষে আয়োজন কৰা এক অনুষ্ঠানত ভাষণ দি কয়, ‘এই দেশৰ ধৰ্ম আৰু সংস্কৃতি আছে, যিয়ে সকলো সম্প্ৰদায় আৰু ধৰ্মক সন্মান কৰে। সেই ধৰ্ম হিন্দু ধৰ্ম। ই হিন্দুৰ ভূমি। ইয়াৰ অৰ্থ এইটো নহয় যে আমি আন সকলো ধৰ্মক নাকচ কৰো।’
“এবাৰ হিন্দু বুলি ক’লে আৰু একো কোৱাৰ প্ৰয়োজন নাই। এই দেশত মুছলমানক সুৰক্ষিত। কেৱল ভাৰতেহে এনে কৰিব পাৰে।” – লগতে ভাগৱতে কয়।
