অত্যাধুনিক প্ৰযুক্তিৰ নাছাৰ পাৰ্জেভেৰেন্স ৰ’ভাৰখন মংগল গ্ৰহণত অৱতৰণ কৰাৰ পাছতে বিজ্ঞানজগতত আলোড়ণৰ সৃষ্টি হৈছে।
ভাৰতীয় সময় অনুযায়ী শুকুৰবাৰে ৰাতি ২.২৫ বজাত মংগল গ্ৰহত অৱতৰণ কৰা উক্ত যানখনৰ স’তে ভাৰতীয় মূলৰ এগৰাকী বিজ্ঞানীও জড়িত হৈ আছে।
শ্বাতী মোহন নামৰ বিজ্ঞানীগৰাকীয়ে মিছনটোৰ নেতৃত্ব, পৰিচালনা আৰু কণ্ট্ৰল অপাৰেচনত প্ৰত্যক্ষ ভূমিকা গ্ৰহণ কৰিছিল।
বিজ্ঞানীগৰাকীয়ে নিশ্বিত কৰে যে মংগল গ্ৰহৰ অপৰিচিত জলবায়ুৰ মাজেৰে বিভিন্ন জটিলতাৰ মাজতো ৰভাৰখন তাত অৱৰতণ কৰিব পাৰিছে।
এবছৰ বয়সতে পিতৃ-মাতৃৰ স’তে ভাৰতৰ পৰা আমেৰিকা যুক্তৰাষ্ট্ৰৰ ৱাশ্বিংটন ডিচিলৈ প্ৰব্ৰজন কৰা স্বাতী মোহনে কৰ্ণেল ইউনিভাৰ্চিটি, মাচ্চাচুচেট্টছ ইনষ্টিউট অৱ টেকন’লজীৰ পৰা মহাকাশ বিজ্ঞানৰ শিক্ষা লাভ কৰে।
বিজ্ঞানীগৰাকীয়ে কয় যে তেওঁৰ মহাকাশ সম্পৰ্কীয় জিজ্ঞাসাৰ আৰম্ভ হয় ন বছৰ বয়সতে চোৱা ষ্টাৰ ট্ৰেক নামৰ জনপ্ৰিয় টিভি শ্ব’টোৰ দ্বাৰা।
নাছাৰ মাৰ্চ২০২০ মিছনৰ এই ৰ’ভাৰখনৰ দ্বাৰা মংগলগ্ৰহৰ বিষয়ে বিভিন্ন তথ্য সংগ্ৰহ কৰি গ্ৰহটোত জীৱনধাৰণৰ সম্ভাৱনাৰ বিষয়েও অৱগত হ’ব।