উদ্ভাৱনী শক্তিৰে চমক ভাৰতীয় সেনাৰ; গুৱাহাটীত প্ৰথমটো বৰ্জনীয় প্লাষ্টিকেৰে পথ নিৰ্মাণ

বৰ্জনীয় প্লাষ্টিকেৰে নিৰ্মাণ কৰা প্ৰথমটো পথ লাভ কৰিছে গুৱাহাটী মহানগৰীয়ে।

গুৱাহাটীৰ নাৰেংগীত থকা সেনা ছাউনিত ১.২৪ মিলিয়ন টন বৰ্জনীয় প্লাষ্টিক ব্যৱহাৰ কৰি পথটো নিৰ্মাণ কৰা হৈছে।

মিলিটাৰী ইঞ্জিনিয়াৰিং চাৰ্ভিছৰ পাইলট প্ৰজেক্টৰ অধীনত পথটো নিৰ্মাণ কৰা হৈছে।

In line with the Govt’s mission against #singleuse plastic and initiative to reduce, reuse and recycle plastic waste, 1.24 MT of waste plastic has been used to construct a road in Narangi Military Station which is a pilot project of MES for road construction.@adgpi @easterncomd pic.twitter.com/HSXCUJyrCS

— PRO GUWAHATI, MINISTRY OF DEFENCE (@prodefgau) November 28, 2019

‘‘এবাৰ ব্যাৱহাৰ্য্য প্লাষ্টিক বৰ্জনৰ লগতে প্লাষ্টিকৰ ব্যৱহাৰ হ্ৰাস, পুনৰ ব্যৱহাৰ আৰু নৱীকৰণৰ বাবে চৰকাৰৰ পদক্ষেপক সৰোগত কৰি গুৱাহাটীৰ নাৰেংগীৰ সেনা ছাউনীত ১.২৪ মিলিয়ন টন বৰ্জনীয় প্লাষ্টিকেৰে এটা পথ নিৰ্মাণ কৰা হৈছে। মিলিটাৰী ইঞ্জিনিয়াৰিং চাৰ্ভিছৰ পাইলট প্ৰজেক্টৰ অধীনত পথটো নিৰ্মাণ কৰা হৈছে’’, প্ৰতিৰক্ষা মন্ত্ৰ্যালয়ৰ গুৱাহাটীৰ জন সম্পৰ্কৰক্ষী বিষয়াই এইদৰে টুইট কৰে।

এটা বিশ্ব অৰ্থনৈতিক সংস্থাৰ মতে, প্লাষ্টিকৰ দ্বাৰা বনোৱা পথসমূহ সাধাৰণ পথৰ তুলনাত বানপানী, গৰমকে আদি কৰি সকলো ধৰণৰ পৰিবেশত বেছি বহনক্ষম হয়।

অসমৰ ভিতৰত গোৱালপাৰা জিলাত বৰ্জনীয় প্লাষ্টিকেৰে প্ৰথমটো পথ নিৰ্মাণ কৰা হৈছিল।

উল্লেখযোগ্য যে, বৰ্তমান সময়ত বৰ্ধিত প্লাষ্টিক আৱৰ্জনাৰ পৰা মুক্তি পোৱাৰ বাবে ইয়াক পথ নিৰ্মাণত ব্যৱহাৰ কৰা সন্দৰ্ভত ব্যপক পৰীক্ষা নিৰীক্ষা চলি আছে।