লাইন অফ একচুৱেল কণ্ট্ৰ’ল অতিক্ৰমি কৰি ভাৰতীয় সৈন্য বাহিনীৰ হাতত বন্দী হোৱা চীনৰ পিপলছ লিবাৰেশ্যন আৰ্মিৰ এগৰাকী জোৱানক ভাৰতীয় সেনা বাহিনীয়ে মঙলবাৰে সন্ধিয়া চীনৰ হাতত গটায় দিয়ে।
ভাৰতীয় সেনা বাহিনীৰ হাতত বন্দী হোৱা চীনা সেনা গৰাকীৰ নাম কৰ্পোৰেল ৱাং য়া লং বুলি চিনাক্ত কৰা হৈছিল।
১৯ অক্টোবৰত লাডাখৰ চুমাৰ-ডেমচুক অঞ্চলত ভাৰতীয় সেনা বাহিনীৰ হাতত বন্দী হৈছিল চীনা পিপলছ লিবাৰেশ্যন আৰ্মিৰ জোৱান গৰাকী।
দুদিন ভাৰতীয় সেনা বাহিনীৰ জিম্মাত থকাৰ পাছত মঙলবাৰে সন্ধিয়া চীনা সৈন্য গৰাকীক নিজ দেশৰ সেনা বাহিনীৰ হাতত অৰ্পন কৰে।
আনহাতে, ভাৰতীয় সেনা বাহিনীৰ জিম্মাত থকাৰ সময়ত চীনা সেনা জোৱান গৰাকীক ভাৰতীয় সেনা বাহিনীয়ে অক্সিজেন, খাদ্য আৰু গৰম কাপোৰৰ যোগান ধৰে।
উল্লেখযোগ্য যে, বিগত বহু মাহ ধৰি ভাৰত আৰু চীনৰ মাজত লাডাখত তীব্ৰ উত্তেজনাই বিৰাজ কৰি আছে।
এই উত্তেজনাময় পৰিস্থিতিৰ মাজতো ভাৰতীয় সেনা বাহিনীয়ে শত্ৰু দেশৰ বন্দী সেনা বাহিনীৰ জোৱানক সু ব্যৱহাৰেৰে ভাৰতীয় সেনা বাহিনীৰ নীতি-আদৰ্শক পুনৰ বাৰ প্ৰতিফলিত কৰে।
