চৰকাৰী চাকৰিৰ সন্ধান কৰি থকা যুৱক-যুৱতীসকলৰ বাবে আহিছে এক সুখবৰ। ভাৰতীয় ৰেলৱেত খালী হৈছে বহুকেইটা পদ। ৰেলৱে ৰিক্ৰুটমেণ্ট বোৰ্ডৰ তৰফৰ পৰা শেহতীয়াকৈ এক নিযুক্তিৰ জাননী প্ৰকাশ কৰা হৈছে। এই জাননী অনুসৰি মুঠ ৬ হাজাৰ ৫৫৭ টা পদত নিযুক্তি প্ৰদান কৰা হ’ব। ইয়াৰ ভিতৰত কলকাতাৰ বাবে ২২৪ টা, মালদহৰ বাবে ৭৬ টা আৰু শিলিগুৰিৰ বাবে ৯৪ টা পদ আৱণ্টন কৰা হৈছে। ৰেলৱেৰ টেকনিচিয়ান গ্ৰেড-১ চিগনেল আৰু টেকনিচিয়ান গ্ৰেড-৩ পদত এই নিযুক্তি হ’ব।
নিৰ্বাচিত প্ৰাৰ্থীসকলে পদ অনুসৰি মাহিলী ১৯ হাজাৰ ৯০০ টকাৰ পৰা ২৯ হাজাৰ ২০০ টকালৈ দৰমহা লাভ কৰিব। এই পদসমূহৰ বাবে আবেদন কৰিবলৈ প্ৰাৰ্থীৰ বিজ্ঞান বা ইঞ্জিনিয়ারিং বিভাগত স্নাতক ডিগ্ৰী বা ডিপ্লোমা থকাটো বাধ্যতামূলক। ইয়াৰ লগতে যিসকল প্ৰাৰ্থীয়ে দশম শ্ৰেণী উত্তীৰ্ণ হোৱাৰ পিছত আইটিআই প্ৰমাণপত্ৰ লাভ কৰিছে, তেওঁলোকেও আবেদন কৰিব পাৰিব। প্ৰাৰ্থীৰ বয়স ১৮ ৰ পৰা ৩০ বছৰ বা ১৮ ৰ পৰা ৩৩ বছৰৰ ভিতৰত হ’ব লাগিব। চৰকাৰী নিয়ম অনুসৰি সংৰক্ষিত শ্ৰেণীৰ প্ৰাৰ্থীসকলে বয়সৰ ক্ষেত্ৰত ৰেহাই পাব।
নিযুক্তি প্ৰক্ৰিয়া সম্পূৰ্ণ কৰিবলৈ প্ৰাৰ্থীসকলে কম্পিউটাৰ ভিত্তিক পৰীক্ষা অৰ্থাৎ চিবিটি দিব লাগিব। ইয়াৰ পিছত নথিপত্ৰ পৰীক্ষা আৰু স্বাস্থ্য পৰীক্ষাৰ জৰিয়তে চূড়ান্ত প্ৰাৰ্থী নিৰ্বাচন কৰা হ’ব। আগ্রহী প্ৰাৰ্থীসকলে ৰেলৱে ৰিক্ৰুটমেণ্ট বোৰ্ডৰ আনুষ্ঠানিক ৱেবছাইটত গৈ অনলাইন যোগে আবেদন কৰিব পাৰিব। আবেদনৰ বাবে সংৰক্ষিত শ্ৰেণীৰ প্ৰাৰ্থীৰ বাবে ২৫০ টকা আৰু সাধাৰণ শ্ৰেণীৰ প্ৰাৰ্থীৰ বাবে ৫০০ টকা মাচুল ধাৰ্য কৰা হৈছে। অনলাইনত আবেদন কৰাৰ শেষ তাৰিখ অহা ২৯ আৰু ৩১ জুলাই।
