আমেৰিকাই ভাৰতীয় আমদানীৰ ওপৰত শুল্ক দুগুণ কৰাৰ ফলত বিশ্ববজাৰত টকাৰ মূল্যৰ প্ৰচণ্ড পতন দেখা দেখিবলৈ পোৱা গৈছে। শুকুৰবাৰে ভাৰতীয় টকাই আমেৰিকান ডলাৰৰ বিপৰীতে সৰ্বকালৰ সৰ্বনিম্ন ৮৮.৩ লৈ হ্ৰাস পাইছিল। দিনৰ অন্তত মুদ্ৰা ৮৮.১৯ত বন্ধ হৈ ০.৬৫ শতাংশ হ্ৰাস পালে, যি প্ৰায় তিনিমাহৰ ভিতৰত এদিনীয়া সৰ্বাধিক লোকচান বুলি গণ্য হৈছে। ব্লুমবাৰ্গৰ তথ্যমতে, ইয়াৰ পূৰ্বৰ নিম্নতম স্তৰ আছিল ৮৭.৯৫ (ফেব্ৰুৱাৰী, ২০২৫)।
বিশ্লেষকসকলে কোৱা মতে, ইউক্ৰেইনৰ সংঘাতৰ মাজত ভাৰতে ৰাছিয়াৰ পৰা তেল কিনি যোৱা পৰিস্থিতিত আমেৰিকাই পূৰ্বৰ ২৫ শতাংশ লেভিক দুগুণ কৰি ৫০ শতাংশ শুল্ক আৰোপ কৰিছে। এই নতুন সিদ্ধান্ত বুধবাৰৰ পৰা কাৰ্যকৰী হোৱাৰ পাছতেই টকাৰ ওপৰত প্ৰভাৱ পৰিছে। এজন বৈদেশিক মুদ্ৰা কৌশলবিদে ৰয়টাৰ্ছক প্ৰদান কৰা তথ্য অনুসৰি, এই পদক্ষেপে ভাৰতৰ বাণিজ্যিক ঘাটিক অধিক ভয়াৱহ কৰি তুলিব, বিত্তীয় প্ৰবাহত টান দিব আৰু মুদ্ৰাৰ ভাৰসাম্য ৰক্ষাত অতিৰিক্ত চাপ সৃষ্টিৰ কৰিব। ফলত, টকাই আগন্তুক দিনত আৰু অধিক দুৰ্বল হৈ পৰাৰ সম্ভাৱনা নুই কৰিব নোৱাৰি
শুকুৰবাৰে ভাৰতীয় শ্বেয়াৰ বজাৰো ইয়াৰ বাবে নিম্ন গামী হৈছে। চেন্সেক্স ২৭০.৯২ পইণ্ট হ্ৰাস পাই ৭৯,৮০৯.৬৫ত বন্ধ হয় আৰু নিফটি ৭৪.০৫ পইণ্ট হ্ৰাস পাই ২৪,৪২৬.৮৫ত নামি আহে।
