বিশ্বৰ অন্যান্য প্ৰান্তৰ লগতে ভাৰততো বৰ্তমান সময়ত কোভিড ভাইৰাছৰ সংক্ৰমণ অব্যাহত আছে।
বিগত ২৪ ঘণ্টাত ভাৰতত নতুনকৈ ৩০,০০৫ গৰাকী ব্যক্তি কোভিড প’জিটিভ হৈছে।
ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰ্যালয়ে শেহতীয়াভাৱে প্ৰকাশ কৰা তথ্য অনুসৰি ভাৰতত বৰ্তমানলৈ ৯৮,২৬,৭৭৫ গৰাকী ব্যক্তি কোভিড প’জিটিভ হৈছে।
আনহাতে, ভাৰতৰ বিভিন্ন ৰাজ্যত বিগত ২৪ ঘণ্টাত ৪৪২ গৰাকী কোভিড আক্ৰান্তৰ মৃত্যু হৈছে।
ভাৰতত বৰ্তমানলৈ কোভিডৰ সংক্ৰমণৰ ফলত ১,৪২,৬২৮ গৰাকী কোভিড আক্ৰান্তই প্ৰাণ হেৰুৱাইছে।
ইপিনে, দেশত শেহতীয়াভাৱে বিভিন্ন ৰাজ্যত ৩৩৪৯৪ গৰাকী কোভিড আক্ৰান্তক চিকিৎসাৰ অন্তত ক’ৰ’না মুক্ত ঘোষণা কৰা হৈছে।
ভাৰতত এতিয়া মুঠ ৩,৫৯,৮১৯ গৰাকী সক্ৰিয় কোভিড ৰোগী আছে।
অসমত শুকুৰবাৰে কোভিডৰ সংক্ৰমণৰ ফলত মৃত্যু হোৱা লোকৰ সংখ্যাই ১০০০ স্পৰ্শ কৰিছে।
বিগত এপ্ৰিল মাহত অসমত প্ৰথমগৰাকী কোভিড আক্ৰান্তৰ মৃত্যু হোৱাৰ আঠ মাহ পাছত ৰাজ্যত কোভিডৰ সংক্ৰমণৰ ফলত প্ৰাণ হেৰুওৱা লোকৰ সংখ্যাই ১০০০-ৰ ঘৰ স্পৰ্শ কৰে।
