কৰোণা ভাইৰাছৰ বিৰুদ্ধে ভাৰতে দিয়া যুঁজখনত সমগ্ৰ বিশ্ববাসী অনুপ্ৰাণিত হৈছে : প্রধানমন্ত্রী মোদী
কৰোনা ভাইৰাছৰ বিৰুদ্ধে যুঁজখনত ভাৰতৰ যোগ-আয়ুৰ্বৈদিক জ্ঞানে এটা বৃহৎ ভূমিকা পালন কৰিছে। শ্ৰীৰাম চন্দ্ৰ মিছনৰ ৭৫সংখ্যক প্ৰতিষ্ঠা দিৱসত অংশ লৈ প্ৰধানমন্ত্ৰী নৰেন মোদীয়ে মঙলবাৰে এইদৰে কয়।
“আমি সকলোৱে দেখা পাইছো যে ১৩০ কোটি ভাৰতীয়ৰ সচেতনতাই বিশ্বত কৰোণা ভাইৰাছৰ বিৰুদ্ধে চলি থকা যুঁজখনত কিদৰে ভূমিকা পালন কৰিছে। এই যুঁজখনত, আমাক ঘৰত শিকোৱা যোগ-আয়ৰ্বৈদিক জ্ঞান আৰু অভ্যাসসমূহে এটা বৃহৎ ভূমিকা পালন কৰিছে’’, প্ৰধানমন্ত্ৰীয়ে কয়।
জনতাৰ মাজত শান্তি, স্বাস্থ্য সচেতনতা আৰু আধ্যাত্মিকতা স্থাপনৰ প্ৰয়াস কৰাৰ বাবে শ্ৰীৰামচন্দ্ৰ মিছনক ভূয়সী প্ৰশংসা প্ৰধানমন্ত্ৰীয়ে আৰু কয় যে কৰোণাভাইৰাছৰ বিৰুদ্ধে ভাৰতে দিয়া যুঁজখনত সমগ্ৰ বিশ্ববাসী অনুপ্ৰাণিত হৈছে।
বিশ্বজুৰি চলি থকা কভিদ ভেকচিনৰ প্ৰতিযোগিতাখনতো ভাৰতে মুখ্য ভূমিকা লৈ থকাৰ কথা প্ৰধানমন্ত্ৰীয়ে সদৰী কৰে।
“ৰোগমুক্ত নাগৰিক, মানসিকভাৱে শক্তিশালী নাগৰিকসকলে ভাৰতক এটা উচ্চ স্তৰলৈ লৈ যাব।” প্ৰধানমন্ত্ৰীয়ে কয়।
তেওঁ ভাৰতৰ আধ্যাত্মিকতা, যোগাভ্যাস আৰু সহজ জীৱনশৈলীৰ পৰ্যটনক্ষেত্ৰ গঢ়ি তোলাৰো পোষকতা কৰে।