২০২৫ চনৰ ১ জানুৱাৰীৰ পৰা আৰম্ভ হৈছে নতুন প্ৰজন্ম জেনেৰেচন বিটা (Generation Beta)। আৰু ভাৰতত জন্ম হোৱা এই প্ৰজন্মৰ প্ৰথম সন্তানৰ নাম জনা গৈছে। মিজোৰামত জন্মগ্ৰহণ কৰা ফ্ৰেংকি জেনেৰেচন বিটাৰ প্ৰথম শিশু।
সমগ্ৰ বিশ্বই নতুন বছৰ উদযাপন কৰাৰ সময়ত মিজোৰামৰ আইজলৰ চিন’ড হাস্পতালত নিশা ১২.০৩ বজাত শিশুটিৰ জন্ম হয়। দাবী কৰা হৈছে যে ভাৰতৰ জেনেৰেচন বিটাৰ প্ৰথম জন্ম হোৱা কেঁচুৱাটো এই চিকিৎসালয়তে জন্ম হৈছে। তেওঁৰ নাম ফ্ৰেংকি।
আইজলৰ খাটলাৰ বাসিন্দা ৰামজিৰমাৱী আৰু জে ডি ৰেমৰুটছাংগাৰ পুত্ৰ ফ্ৰেংকি। তেওঁলোকৰ এগৰাকী কন্যা সন্তানো আছে। চিকিৎসালয়ৰ সূত্ৰ অনুসৰি জন্মৰ সময়ত ফ্ৰেংকিৰ ওজন আছিল ৩.১২ কিলোগ্ৰাম আৰু তেওঁ নিখুঁতভাৱে সুস্থ। ইয়াত কোনো জটিলতা নাই। স্বাভাৱিকতে এই দম্পতীহাল পুত্ৰক লৈ সুখী। তাতোকৈ বেছি সুখী তেওঁলোকৰ পুত্ৰক জেনেৰেচন বিটাৰ প্ৰথম জন্ম হোৱা সন্তান বুলি কোৱা হৈছে।
পৃথিৱীত ফ্ৰেংকি হৈছে জেনেৰেচন বিটাত জন্মগ্ৰহণ কৰা দ্বিতীয়টো সন্তান। অষ্ট্ৰেলিয়াত জন্মগ্ৰহণ কৰা শিশু ৰেমিক প্ৰথম হিচাপে ধৰা হৈছে। নিউ চাউথ ৱেলছৰ কম্ব’ইনত থকা জে-লিং হুয়াং আৰু লিয়াম ৱালছৰ পুত্ৰ। নিৰ্ধাৰিত সময়তকৈ ২ সপ্তাহ আগতেই জন্ম হৈছিল ৰেমিৰ।
জেনেৰেচন বিটা হৈছে, জেনেৰেচন আলফা (২০১০-২০২৪)ৰ পৰৱৰ্তী প্ৰজন্ম। তাৰ আগতে আছিল জেনেৰেচন জেড (১৯৯৬-২০১০) আৰু তাৰ আগতে মিলেনিয়ালছ (১৯৮১-১৯৯৬)। গ্ৰীক বৰ্ণমালা অনুসৰণ কৰি আৰম্ভ হোৱা জেনেৰেচন আলফাৰ ধাৰাবাহিকতাৰে নতুন নামকৰণটো কৰা হৈছে।
