গুৱাহাটীৰ বাহিনী নৈত উদ্ধাৰ নৱজাতকৰ মৃতদেহ

দেওবাৰে গুৱাহাটীৰ আইএছবিটিৰ ওচৰত বাহিনী নদীত ওপঙি থকা এটা নৱজাতক মৃত অৱস্থাত পোৱা গৈছে।

স্থানীয় লোকসকলৰ জনোৱাৰ পিছত গড়চুক আৰক্ষী  ইণ্টাৰ ষ্টেট বাছ টাৰ্মিনেল (আইএছবিটি)ৰ পিছফালে আজান ফকীৰ ৰোডৰ ওচৰৰ ঘটনাস্থলীত উপস্থিত হয় আৰু মৃতদেহটো উদ্ধাৰ কৰে।

মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে। অৱশ্যে শৰীৰত কোনো বাহ্যিক আঘাতৰ চিহ্ন নাছিল।

লগতে পঢ়ক: প্ৰশ্নকাকত ফাদিল! ছেবাই বাতিল কৰিলে হাইস্কুল শিক্ষান্ত পৰীক্ষাৰ সাধাৰণ বিজ্ঞানৰ পৰীক্ষা

কেঁচুৱাটো ডুবি যোৱাৰ ফলত মৃত্যু হোৱাৰ আশংকা কৰা হৈছে যদিও মৰণোত্তৰ পৰীক্ষাৰ ফলাফল প্ৰকাশ পালেহে মৃত্যুৰ প্ৰকৃত কাৰণ জানিব পৰা যাব।

কিছুমান স্থানীয় লোকৰ মতে কেঁচুৱাটো ঠিক আগদিনা জন্ম হৈছিল। ঘটনাটোৱে স্থানীয় লোকৰ মাজত ক্ষোভৰ সৃষ্টি কৰিছে।

এজন স্থানীয় লোকে মন্তব্য কৰে, “এনে লাগিছে যে মানুহে এতিয়া চয়তান হৈ পৰিছে, তেওঁলোকৰ নিজৰ কেঁচুৱাটোৰ প্ৰতিও কোনো সহানুভূতি আৰু মৰম নাই, আৰু সেয়েহে তেওঁলোকে তেওঁলোকক জন্তুৰ দৰে ব্যৱহাৰ কৰে।”

লগতে পঢ়ক: নৃশংস প্ৰেম! পুনৰ যুৱতীক হত্যা কৰি দেহ টুকুৰা টুকুৰ কৰা ঘটনা; অভিযুক্তৰ ফাঁচীৰ দাবী

আৰক্ষীয়ে কেঁচুৱাটো আৰু তাৰ পিতৃ-মাতৃক চিনাক্ত কৰাৰ প্ৰচেষ্টাৰে ঘটনাটোৰ তদন্ত আৰম্ভ কৰিছে।