ইমৰাণ খানক গ্ৰেপ্তাৰৰ পিছতেই অশান্ত পাকিস্তান : কৰ্তন কৰা হৈছে ইণ্টাৰনেট সেৱা

পাকিস্তানৰ প্ৰাক্তন প্ৰধানমন্ত্ৰী ইমৰাণ খানক গ্ৰেপ্তাৰ কৰাৰ পিছতে মঙলবাৰে পাকিস্তান দূৰসংযোগ কৰ্তৃপক্ষই সমগ্ৰ দেশতে মোবাইল ব্ৰডবেণ্ড সেৱা বন্ধ কৰি দিয়ে।

খবৰ অনুসৰি, অভ্যন্তৰীণ মন্ত্ৰালয়ৰ নিৰ্দেশনা অনুসৰি টেলিকমিউনিকেচন কৰ্তৃপক্ষই ইণ্টাৰনেট সেৱা স্থগিত ৰখাৰ কথা নিশ্চিত কৰিছে।

আল-কাদিৰ ট্ৰাষ্টৰ গোচৰত ইছলামবাগ উচ্চ ন্যায়ালয়ৰ চৌহদৰ পৰা খানক গ্ৰেপ্তাৰ কৰাৰ সময়তে মঙলবাৰে সমগ্ৰ দেশতে টুইটাৰ, ফেচবুক আৰু ইউটিউব নিষিদ্ধ কৰা বুলিও কেইটামান প্ৰতিবেদনত প্ৰকাশ পাইছে।

লগতে পঢ়কঃ কৰ্ণাটকৰ নিৰ্বাচন সম্পৰ্কে বিশিষ্ট সক্ৰিয়কৰ্মী যোগেন্দ্ৰ যাদৱৰ সৈতে কথোপকথন মুখ্য সম্পাদক পৰেশ মালাকাৰৰ

ইফালে মানৱ অধিকাৰ সংগঠন এম্নেষ্টী ইণ্টাৰনেশ্যনেলে পাকিস্তান চৰকাৰক দেশত ইণ্টাৰনেট সেৱা আৰু টুইটাৰ ফেচবুক আৰু ইউটিউবৰ সুবিধা পুনৰুদ্ধাৰ কৰিবলৈ আহ্বান জনায়।

তেওঁলোকৰ অফিচিয়েল টুইটাৰত কয়, “ইমৰাণ খানৰ সমৰ্থক আৰু আৰক্ষীৰ মাজত সংঘৰ্ষ বৃদ্ধি পোৱাৰ মাজতে পাকিস্তানী কৰ্তৃপক্ষই মোবাইল ইণ্টাৰনেট আৰু ফেচবুক, টুইটাৰৰ ব্যৱহাৰ বন্ধ কৰি দিয়াৰ বাতৰিত এম্নেষ্টী ইণ্টাৰনেশ্যনেল আতংকিত হৈ পৰিছ।”

টুইটটোত লিখিছে “ইয়াৰ ফলত মানুহৰ তথ্য আৰু মত প্ৰকাশৰ স্বাধীনতা সীমিত হৈ পৰিছে। আমি পাকিস্তানৰ দূৰসংযোগ কৰ্তৃপক্ষ আৰু স্বৰাজ মন্ত্ৰালয়ক এই নিষেধাজ্ঞা তৎকালীনভাৱে উঠাই ল’বলৈ আহ্বান জনাইছো।’’

প্ৰাক্তন প্ৰধানমন্ত্ৰী তথা পাকিস্তানৰ তেহৰিক-ই-ইনছাফে ইমৰাণ খানক গ্ৰেপ্তাৰ কৰাৰ পিছত কেইবাজনো সমৰ্থকে প্ৰতিবাদ সাব্যস্ত কৰি দেশৰ ৰাজহুৱা সম্পত্তি ভাঙি-ছিঙি লণ্ড-ভণ্ড কৰে।

ইছলামবাগ উচ্চ ন্যায়ালয়ৰ বাহিৰত মঙলবাৰে গ্ৰেপ্তাৰ হয় ইমৰাণ খানক। যোৱা বছৰৰ এপ্ৰিল মাহত ক্ষমতাৰ পৰা বঞ্চিত হোৱাৰ পিছত খান এশৰো অধিক গোচৰত জড়িত হৈ পৰিছে ইমৰাণ খান।

🇵🇰Pakistan: Amid concerns about escalating clashes between Imran Khan’s supporters and the police, Amnesty International is alarmed by reports that Pakistani authorities have suspended mobile internet and access to Twitter, Facebook and YouTube.

— Amnesty International South Asia, Regional Office (@amnestysasia) May 9, 2023

লগতে পঢ়কঃ অসমত স্থাপন কৰা হ’ব পাঁচখনকৈ POCSO আদালত : মুখ্যমন্ত্ৰীৰ ঘোষণা

বিগত বছৰত অনাস্থা ভোটত পৰাস্ত হৈ তেওঁক প্ৰধানমন্ত্ৰী পদৰ হেৰুৱাব লগা হৈছিল। অৱশ্যে খানে অভিযোগ কৰে যে ৰাছিয়া, চীন আৰু আফগানিস্তানৰ ওপৰত তেওঁৰ স্বতন্ত্ৰ বৈদেশিক নীতিৰ সিদ্ধান্তৰ বাবে আমেৰিকাৰ নেতৃত্বত তেওঁৰ বিৰুদ্ধে এই ষড়যন্ত্ৰৰ চলিছে।

লগতে পঢ়কঃ  চিতাক সুৰক্ষা দিব নোৱাৰিলে মোডীয়ে : আকৌ মৰিল নামিবিয়াৰ পৰা অনা চিতা ‎