দক্ষিণ কোৰিয়াৰ মুয়ান আন্তঃৰাষ্ট্ৰীয় বিমানবন্দৰত যাত্ৰীবাহী বিমান দুৰ্ঘটনাত ১৭৯ জন লোকৰ মৃত্যু হয়। দুৰ্ঘটনাগ্ৰস্ত বিমানখনত মুঠ ১৮১জন যাত্ৰী আছিল। এই ঘটনাত দুজন লোকক জীৱিত অৱস্থাত উদ্ধাৰ কৰা হয়।
দেওবাৰে স্থানীয় সময় অনুসৰি পুৱা প্ৰায় ৯ বজাত এনে দুৰ্ঘটনা সংঘটিত হোৱাৰ পূৰ্বে বিমানখনত থকা এজন যাত্ৰীৰ শেষ মুহূৰ্তৰ কিছু বাৰ্তা স্থানীয় সংবাদ মাধ্যমত প্ৰকাশ পাইছিল।
দক্ষিণ কোৰিয়াৰ ইয়োনহাপ নিউজ এজেন্সীয়ে প্ৰকাশ কৰা অনুসৰি বাৰ্তাবোৰত স্পষ্ট হৈ পৰিছিল যে জীৱিতসকলৰ জীৱনৰ আশা ম্লান হৈ আহিছিল।
বিমানবন্দৰত ৰৈ থকা এজন যাত্ৰীৰ আত্মীয়ই স্থানীয় নিউজ ৱানক জনাইছে যে, বিমানত থকা মোৰ পৰিয়ালৰ সদস্যৰ পৰা বিমানখনৰ সমস্যাৰ বিষয়ে এটা মেছেজ পাইছিলোঁ। কিন্তু তাৰপিছৰে পৰা মই তেওঁলোকৰ সৈতে যোগাযোগ কৰিব পৰা নাই।
দেখা যায় যে যাত্ৰীজনে পুৱা ৯ বজাত টেক্সট মেছেজ পঠিয়াইছে, ‘বিমানখনৰ ডেউকাত এটা চৰাই আবদ্ধ হৈ আছে। আমি অৱতৰণ কৰিব পৰা নাই।’
অপেক্ষা কৰি থকা যাত্ৰীজনৰ আত্মীয়ই সবিশেষ সোধাত তেওঁ এক মিনিটৰ পিছত উত্তৰ দিলে, ‘এতিয়াই শেষ বাৰ্তাটো এৰি দিম নেকি? তেতিয়াৰ পৰা যোগাযোগ হেৰাই গৈছে।
ছিউলৰ পৰা আল জাজিৰাৰ সংবাদদাতা ৰব মেকব্ৰাইডে কয় যে লেণ্ডিং গিয়াৰত কোনো বিজুতি আছিল যেন দেখা গৈছে। সংবাদ মাধ্যমলৈ অহা ছবিত বিমানখন গাটোত ভৰ দি অৱতৰণ হোৱা দেখা গৈছে। প্ৰথমে ৰাণৱেৰ কাষেৰে পিছলি যায় আৰু তাৰ পিছত বৃহৎ বিস্ফোৰণ ঘটে।
ইয়োনহাপ সংবাদ সংস্থাই প্ৰকাশ কৰা অনুসৰি বিমানবন্দৰত অৱতৰণ কৰিবলৈ চেষ্টা কৰাৰ সময়ত ‘চৰাইটোৰ সংস্পৰ্শৰ ফলত লেণ্ডিং গিয়াৰ বিকল হোৱাৰ বাবে’ এই দুৰ্ঘটনা সংঘটিত হোৱা বুলি ধাৰণা কৰা হৈছে।
দক্ষিণ কোৰিয়াৰ পৰিবহণ মন্ত্ৰালয়ৰ বিমান পৰিবহণ বিভাগৰ এজন বিষয়াই কয় যে চৰাইৰ আক্ৰমণৰ বাবেই এনে হ’ব পাৰে। অৱশ্যে কাৰণ এতিয়াও পৰীক্ষা হোৱা নাই, তদন্ত অব্যাহত আছে।
দক্ষিণ কোৰিয়াৰ ভাৰপ্ৰাপ্ত ৰাষ্ট্ৰপতি চই চাং-মোকে মুয়ান বিমানবন্দৰত উদ্ধাৰ অভিযানত সৰ্বাত্মক প্ৰচেষ্টাৰ নিৰ্দেশ দিয়ে। তেওঁ কয় যে আনুষংগিক সকলো সংস্থাৰ কৰ্মীসকল একত্ৰিত হ’ব লাগে।
২০০৫ চনত প্ৰতিষ্ঠা হোৱা দক্ষিণ কোৰিয়াৰ অন্যতম কম খৰচী বিমান সংস্থা জেজু এয়াৰে এই দুৰ্ঘটনাৰ বাবে ক্ষমা বিচাৰিছে।
