আই পি এল ২০২৫লৈ যশপ্ৰীত বুমৰাহৰ প্ৰত্যাৱৰ্তনৰ খবৰে অনুৰাগীৰ মাজত উৎসাহৰ সৃষ্টি কৰিছে। কিন্তু তেওঁ প্ৰথম মেচ কেতিয়া খেলিব, সেয়া এতিয়াও স্পষ্ট নহয়। অহা ৭ এপ্ৰিলত মুম্বাই ইণ্ডিয়ানছে ঘৰুৱা খেলপথাৰত ৰয়েল চেলেঞ্জাৰ্ছ বেংগালুৰুৰ বিৰুদ্ধে প্ৰতিদ্বন্দ্বিতা কৰিব। বুমৰাহে ইতিমধ্যে দলত যোগ দিছে, কিন্তু কাইলৈৰ মেচৰ প্লেয়িং-১১ত তেওঁ থাকিব নে নাই, তাৰ কোনো নিশ্চিত তথ্য প্ৰকাশ কৰা নাই।
উল্লেখয় যে পিঠিৰ অস্ত্ৰোপচাৰৰ পিছত বুমৰাহে বিচিচিআইৰ চেণ্টাৰ অৱ এক্সেলেন্সত আছিল। শেহতীয়া প্ৰতিবেদন আনুসৰি তেওঁ কেতিয়া খেলপথাৰত উভতিব, সেয়া স্পষ্ট নাছিল। এতিয়া জানিব পৰা গৈছে যে বুমৰাহে মুম্বাই ইণ্ডিয়ানছত যোগ দিছে। আৱশ্যে তেওঁ আই পি এল ২০২৫ৰ প্ৰথম মেচ কেতিয়া খেলিব, তাৰ আনুষ্ঠানিক ঘোষণা নহ’লেও অনুমান কৰা হৈছে যে ১৩ এপ্ৰিলত দিল্লী কেপিটেলছৰ বিৰুদ্ধে তেওঁ প্ৰথম মেচ খেলিব পাৰে।
উল্লেখ যোগ্য যে ২০১৩ চনৰ পৰা বুমৰাহে মুম্বাই ইণ্ডিয়ানছৰ হৈ খেলি আহিছে। এতিয়ালৈকে তেওঁ ১৩৩খন মেচত ১৬৫টা উইকেট লৈছে। পিঠিৰ আঘাতৰ বাবে তেওঁ এইবাৰৰ আই পি এলৰ আৰম্ভণিৰ মেচসমূহত অংশ ল’ব পৰা নাছিল।
২০২৫ৰ ৪ জানুৱাৰীত বৰ্ডাৰ-গাভাস্কাৰ ট্ৰফীৰ ছিডনী টেষ্টত বুমৰাহ আঘাতপ্ৰাপ্ত হৈছিল। এই আঘাতৰ বাবে তেওঁ চেম্পিয়নছ ট্ৰফীতো খেলিব পৰা নাছিল, যিটো ভাৰতীয় দলৰ বাবে ডাঙৰ ক্ষতি আছিল। একেটা আঘাতৰ বাবে তেওঁ আই পি এলৰ মেচসমূহত অংশ ল’ব পৰা নাছিল।
মুম্বাই ইণ্ডিয়ানছে বুমৰাহক ১৮ কোটি টকাত ক্ৰয় কৰিছিল। আই পি এল ২০২৫ত এতিয়ালৈকে দলটোৱে ৪খন মেচ খেলি মাত্ৰ ১খনত জয়ী হৈছে পইণ্ট টেবুলত সপ্তম স্থানত আছে। বুমৰাহৰ প্ৰত্যাৱৰ্তনে নিশ্চিতভাৱে দলৰ শক্তি বৃদ্ধি কৰিব বুলি আশা প্ৰকাশ কৰিছে।
