আমেৰিকাৰ নৌসেনাৰ এল এইচ এ-৭ উভচৰ আক্ৰমণকাৰী জাহাজখন ইৰাণী বাহিনীৰ আক্ৰমণত পিছুৱাই যাবলৈ বাধ্য হৈছে।
ইছলামিক ৰিভল্যুচনেৰী গাৰ্ড কৰ্পছে জানিবলৈ দিছে যে আমেৰিকাৰ সেনাবাহিনীৰ এল এইচ এ-৭ উভচৰ আক্ৰমণকাৰী জাহাজখন ইৰাণৰ ক্ষেপণাস্ত্ৰই আক্ৰমণ কৰে। এই যুদ্ধজাহাজখনত ৫ হাজাৰৰো অধিক নাৱিক আৰু মেৰিন আছে আৰু ইয়াত হেলিকপ্টাৰো কঢ়িয়াই লৈ ফুৰে। এই আক্ৰমণৰ পিছতে যুদ্ধ জাহাজখন দক্ষিণ ভাৰত মহাসাগৰৰ গভীৰলৈ পিছুৱাই যাবলৈ বাধ্য হয়।
ইয়াৰ উপৰিও আই আৰ জি চিয়ে আমেৰিকা আৰু ইজৰাইলৰ সামৰিক-ঔদ্যোগিক কমাণ্ড, অপাৰেচনেল আৰু লজিষ্টিক ঘাটিত ক্ষেপণাস্ত্ৰ আক্ৰমণ চলোৱা বুলিও প্ৰকাশ কৰে।
ইৰাণৰ সংবাদ মাধ্যমৰ বাতৰি অনুসৰি আই আৰ জি চিয়ে এক বিবৃতিত কয় যে সোমবাৰে পুৱাৰে পৰা ‘অপাৰেচন ট্ৰু প্ৰমিছ ৪’ৰ ৯৮ সংখ্যক পৰ্যায়ত আই আৰ জি চিৰ নৌসেনা আৰু মহাকাশ বাহিনীৰ ইউনিটে আমেৰিকা আৰু ইহুদীবাদী শাসনৰ কমাণ্ড, অপাৰেচনেল, লজিষ্টিক ঘাটি আৰু সামৰিক-ঔদ্যোগিক আন্তঃগাঁথনিৰ বিৰুদ্ধে ধাৰাবাহিকভাৱে সমন্বিত অভিযান চলাইছে।
বিবৃতিটোত কোৱা হৈছে যে এই অভিযানৰ প্ৰথম পৰ্যায়ত আই আৰ জি চিৰ নৌসেনাই বিশেষভাৱে ইজৰাইলৰ মালবাহী জাহাজ এছ ডি এন ৭ক ক্ৰুজ মিছাইলেৰে লক্ষ্য কৰি লৈছিল, যিখন জাহাজ ধ্বংস কৰি তাৰ পিছত জ্বলি গৈছিল।
ইয়াৰ উপৰিও ইৰাণৰ বেলিষ্টিক ক্ষেপণাস্ত্ৰই টেল আভিভৰ উত্তৰ আৰু দক্ষিণে ইজৰাইলৰ সামৰিক স্থান, হাইফাৰ কৌশলগত কেন্দ্ৰ, বেৰচেবাৰ ৰাসায়নিক কোম্পানী আৰু কাৰখানা, পেটাহ টিকভাত সঠিকভাৱে আঘাত কৰে। দখলদাৰী ইজৰাইলৰ উন্নত বায়ু প্ৰতিৰক্ষা ব্যৱস্থাই ইৰাণৰ ক্ষেপণাস্ত্ৰ প্ৰতিহত কৰিবলৈ সক্ষম নহ’ল।
আই আৰ জি চিয়ে কয় যে এই আক্ৰমণাত্মক অভিযানৰ আন এটা অংশত সংযুক্ত আৰব আমিৰশ্বাহী আৰু ইহুদীবাদী শাসনৰ যৌথ ড্ৰ’ন উৎপাদন কেন্দ্ৰ আৰু আলী আল চেলেম বিমান ঘাটিত থকা কেইবাখনো বিমানক ড্ৰ’ন আৰু মিছাইলেৰে নিখুঁতভাৱে লক্ষ্য কৰি লোৱা হৈছিল।
বিবৃতিটোত স্পষ্ট কৰি দিয়া হৈছে যে অঞ্চলটোত শত্ৰুৰ লক্ষ্যৰ বিৰুদ্ধে ইৰাণৰ সশস্ত্ৰ বাহিনী আৰু ইছলামিক প্ৰতিৰোধী গোটৰ আক্ৰমণাত্মক অভিযান অব্যাহত থাকিব।
তদুপৰি আই আৰ জি চিৰ নৌসেনাই হৰমুজ প্ৰণালীৰ যাতায়ত আৰু পাৰস্য উপসাগৰৰ জলসীমাত চলি থকা কাৰ্যকলাপ নিৰীক্ষণ কৰি আছে আৰু ইৰাণৰ সেনাই বিৰোধীৰ যিকোনো সামান্য কাৰ্যকলাপৰ বিৰুদ্ধে কঠোৰ ব্যৱস্থা গ্ৰহণ কৰিব বুলি সকীয়াই দিছে।
