ইৰাণ কৰ্তৃপক্ষই কিছ দ্বীপত অনুষ্ঠিত হোৱা এক মাৰাথন দৌৰৰ আয়োজকসকলৰ বিৰুদ্ধে অপৰাধমূলক গোচৰ ৰুজু কৰিছে বুলি জানিবলৈ দিছে। হিজাব অবিহনে মহিলাসকলে এই প্ৰতিযোগিতাত অংশগ্ৰহণ কৰা ছবি সামাজিক মাধ্যমত প্ৰকাশ পোৱাৰ পিছতে এই পদক্ষেপ গ্ৰহণ কৰা হৈছে।
স্থানীয় সংবাদ মাধ্যমৰ মতে, যোৱা শুকুৰবাৰে (৫ ডিচেম্বৰ, ২০২৫) অনুষ্ঠিত হোৱা এই দৌৰত ৫ হাজাৰতকৈ অধিক লোকে অংশগ্ৰহণ কৰিছিল। অনলাইনত প্ৰকাশ পোৱা ছবিত দেখা গৈছে যে একাংশ মহিলাই ইছলামিক দেশখনৰ মহিলাৰ বাবে থকা কঠোৰ সাজ-পোছাকৰ নিয়ম মানি চলা নাছিল, যিখন আইন ১৯৮০ চনৰ আৰম্ভণিতে বলবৎ কৰা হৈছিল।
উল্লেখ্য যে দেশখনৰ তাছনিম আৰু ফাৰ্ছকে ধৰি আন ৰক্ষণশীল সংবাদ মাধ্যমে এই মাৰাথনক অশ্লীল আৰু ১৯৭৯ চনৰ ইছলামিক বিপ্লৱৰ পিছত বলবৎ কৰা ইছলামিক আইনসমূহৰ প্ৰতি অসন্মানজনক বুলি তীব্ৰ গৰিহণা দিছিল।
মন কৰিবলগীয়া যে ২০২২ চনত সাজ-পোছাকৰ নিয়ম উলংঘাৰ অভিযোগত গ্ৰেপ্তাৰ হোৱা কুৰ্দি যুৱতী মাহছা আমিনিৰ জিম্মাত মৃত্যু হোৱাৰ পিছত সংঘটিত হোৱা ব্যাপক প্ৰতিবাদৰ পৰা আৰম্ভ কৰি হিজাবৰ নিয়ম মানি চলাটো অধিক কঠোৰ হৈ পৰিছে।
