ইৰাণৰ ইছলামিক ৰিভল্যুচনেৰী গাৰ্ড কৰ্পে সমগ্ৰ মধ্যপ্ৰাচ্যৰ ২৭টা মাৰ্কিন সামৰিক ঘাটিত বিধ্বংসী আক্ৰমণ চলাইছে বুলি জানিব পৰা গৈছে।
আমেৰিকা আৰু ইজৰাইল বাহিনীৰ যৌথ বোমা বিস্ফোৰণৰ প্ৰতিশোধ হিচাপে তেহৰানে এই ষষ্ঠ ৰাউণ্ডৰ আক্ৰমণ বুলি দেশখনৰ চৰকাৰী সংবাদ মাধ্যমে প্ৰকাশ কৰিছে।
এই অভিযানত ইজৰাইল আৰু অঞ্চলটোৰ বিভিন্ন আমেৰিকান ঘাটিক লক্ষ্য কৰি বৃহৎ সংখ্যক ক্ষেপণাস্ত্ৰ আৰু ড্ৰ’ন নিক্ষেপ কৰা হয়।
আই আৰ জি চিয়ে কয় যে আমেৰিকাৰ ঘাটিৰ উপৰিও তেওঁলোকৰ লক্ষ্যৰ তালিকাত ইজৰাইলৰ টেল নোফ বিমান ঘাটি, টেল আভিভত ইজৰাইলী সেনাৰ মূল মুখ্য কাৰ্যালয় ‘হাকিৰিয়া’ আৰু একেখন চহৰতে থকা এটা বৃহৎ প্ৰতিৰক্ষা উদ্যোগিক কমপ্লেক্স অন্তৰ্ভুক্ত আছিল।
ইৰাণে এই আক্ৰমণক মাত্ৰ আৰম্ভণি বুলি অভিহিত কৰি সকীয়াই দিছে যে ভৱিষ্যতে তেওঁলোকৰ বাহিনীয়ে অধিক কঠোৰ আৰু ভিন্নধৰণৰ প্ৰতিশোধমূলক ব্যৱস্থা গ্ৰহণ কৰিব, যিয়ে শত্ৰুৰ ওপৰত ধাৰাবাহিকভাৱে বিধ্বংসী আঘাত কৰিব।
