বিশ্বজুৰি জোকাৰণিৰ সৃষ্টি কৰা ইজৰাইলৰ স্পাইৱেৰ পেগাছাছৰ ফোন টেপিং বিতৰ্কৰ মাজতে ইজৰাইলৰ চৰকাৰে এই বিষয়ত অনুসন্ধান কৰিবলৈ টাস্ক ফোৰ্চ গঠন কৰাৰ কথা ঘোষণা কৰিছে।
এই টাস্ক ফোৰ্চত অন্তৰ্ভূক্ত কৰা হৈছে দেশ খনৰ বহু কেইগৰাকী শীৰ্ষ মন্ত্ৰীক।
উল্লেখ্য ইজৰাইলৰ এখন চাইবাৰ ফাৰ্মে যোগান ধৰা স্পাইৱেৰ পেগাছাছৰ জৰিয়তে বিশ্বৰ বিভিন্ন দেশত ফোন টেপিঙৰ অভিযোগ উঠিছে।
ইয়াৰ পৰিপ্ৰেক্ষিততে সমগ্ৰ বিশ্বতে ইজৰাইলক বহুতে সন্দেহৰ দৃষ্টিৰে চাবলৈ লৈছে।
ইজৰাইলে গঠন কৰা টাস্ক ফোৰ্চ গঠন কৰা হৈছে দেশ খনৰ ৰাষ্ট্ৰীয় নিৰাপত্তা পৰিষদকলৈ।
ফ্ৰান্সৰ Le Monde কাকতত প্ৰকাশিত প্ৰতিবেদন অনুসৰি ইজৰাইলৰ প্ৰতিষ্ঠানটোৱে পেগাছাছ স্পাইৱেৰ বিশ্বৰ আন দেশক বিক্ৰী কৰাৰ ক্ষেত্ৰত ইজৰাইলৰ চৰকাৰৰ সৈতে কোনো চুক্তি কৰা নাছিল।
সেই দিশৰ পৰা পেগাছাছ বিতৰ্কৰ সৈতে ইজৰাইলৰ চৰকাৰ পোনপটীয়াকৈ জৰিত নহয়।
চাইবাৰ সুৰক্ষাৰ ক্ষেত্ৰত ইজৰাইল চৰকাৰৰ সৈতে বিশ্বৰ বহু কেইখন দেশে ইতিমধ্যে চুক্তি কৰি থৈছে বুলিও কাকত খনত প্ৰকাশ পাইছে।
সেইবাবেই পেগাছাছ বিতৰ্কত এতিয়া স্বাভাৱিকতে অস্বস্তিত পৰিছে ইজৰাইলৰ চৰকাৰ।
