ইজৰাইলৰ কাৰাগাৰৰ পৰা হলীউদী চিনেমাৰ কায়দাৰে ৬জন পেলেষ্টাইনী কাৰাবন্দীয়ে কাৰাগাৰৰ পৰা পলাই যোৱা ঘটনাত ইজৰাইলৰ কৰ্তৃপক্ষ হতভম্ব হৈ পৰিছে।
বাতৰি অনুসৰি, দেশখনৰ ইমান কটকটীয়া নিৰাপত্তাবেষ্টিত কাৰাগাৰৰ পৰা পলায়ন কৰা সেই ছয়জন পেলেষ্টাইন কাৰাবন্দীক বিচাৰি উলিয়াব নোৱাৰি এইবাৰ তেওঁলোকৰ আত্মীয়ক ইজৰাইলী সেনাই কৰায়ত্ত কৰি লৈ গৈছে।
বুধবাৰে এনেদৰে কাৰাবন্দীকেইজনৰ আত্মীয়সকলক ধৰি নিয়া বুলি কোৱা হৈছে। তেওঁলোকৰ নাম পৰিচয় আদি অৱশ্যে সদৰী কৰা হোৱা নাই।
ইয়াৰ পূৰ্বে সেই ৬জন পেলেষ্টাইনী কাৰাবন্দীয়ে ইজৰাইলৰ গিলোবা কাৰাগাৰৰ পৰা সুৰংগ খান্দি পলাই যোৱা বুলি অনুমান কৰা হৈছিল।
কাৰাবন্দীকেইজনক পলাই যোৱা দেখি এজন কৃষকে কাৰাগাৰ কৰ্তৃপক্ষক জনাইছিল।
পলাই যোৱা কাৰাবন্দী কেইজনৰ ভিতৰত এজন আল আকছা মৰ্টাৰ ব্ৰিগেডৰ সদস্য আছিল। বাকী ৫জন ইছলামী জেহাদী সদস্য বুলি দাবী কৰা হৈছে।
এনেদৰে অতি কৌশলেৰে কাৰাগাৰাৰ পৰা পলায়ন কৰা ঘটনাক ইজৰাইলী কাৰাগাৰ কৰ্তৃপক্ষই চোৰাংচোৱাৰ ব্যৰ্থতা বুলি অভিহিত কৰে।
