অস্তসম্ব্যৰ্ণ কৰিব নে হামাছে? দীৰ্ঘ সময় ধৰি চলি অহা গাজা-ইজৰাইলৰ সংঘাত সমাপ্ত কৰাৰ উদ্দেশ্যে ইজিপ্ত আৰু কাটাৰৰ মধ্যস্থতাত ইজৰাইলে ৪৫ দিনীয়া নতুন যুদ্ধবিৰতিৰ প্ৰস্তাৱ দিছে। এই প্ৰস্তাৱত কোৱা হৈছে যে গাজাত হামাছে বন্দী কৰি ৰখা ১১ জন ইজৰাইলীক একেলগে মুকলি কৰিব লাগিব আৰু হামাছে নিৰস্ত্ৰ হ’ব লাগিব।
হামাছৰ নেতৃত্বই ইজৰাইলৰ এই চৰ্তৰ তীব্ৰ বিৰোধিতা কৰি তেওঁলোকে কয় যে নিৰস্ত্ৰীকৰণৰ প্ৰস্তাৱ সম্পূৰ্ণ অগ্ৰহণযোগ্য। হামাছৰ শীৰ্ষ নেতা ছামি আবু জুহৰীয়ে সাংবাদিকৰ প্ৰশ্নৰ উত্তৰত কয়, “নিৰস্ত্ৰীকৰণৰ কোনো প্ৰশ্নই নাই, এয়া কেৱল দিবাস্বপ্ন।” তেওঁলোকে জানিবলৈ দিয়ে যে পণবন্দী মুকলিৰ বিষয়ে বিবেচনা কৰা হৈছে, কিন্তু ইজৰাইলৰ ওচৰত আত্মসমৰ্পণৰ কথা ভাবিব নোৱাৰে।
ইজৰাইল আক্ৰমণত গাজাত মৃত্যুৰ সংখ্যা ৫১ হাজাৰৰ কাষ চাপিছে। বিশেষজ্ঞসকলে কয় যে ইজৰাইলে বাৰে বাৰে পেলেষ্টাইনীসকলক আঁতৰাই গাজা দখলৰ পৰিকল্পনা কৰিছে, য’ত তেওঁলোকৰ প্ৰতিৰক্ষা মন্ত্ৰালয়ো সক্ৰিয়ভাৱে জড়িত। এনে পৰিস্থিতিত হামাছে নিৰস্ত্ৰীকৰণৰ চৰ্ত কেতিয়াও মানি নলয় বুলি স্পষ্ট কৰিছে।
