ৰাছিয়া-ইউক্ৰেইন যুদ্ধৰ প্ৰভাৱৰ বাবে শীতকালত ইউৰোপত ইন্ধনৰ সংকটৰ সম্ভাৱনা আছে। যদি ৰাছিয়াই ইন্ধন যোগান নধৰে, ইউৰোপৰ বিভিন্ন পৰিস্থিতিৰ অৱনতি হ’ব পাৰে। মুদ্ৰাস্ফীতিৰ ওপৰতো ইয়াৰ প্ৰভাৱ পৰিব। এনে পৰিস্থিতিত শীতকাল অহাৰ পূৰ্বে ইউৰোপীয় দেশ ইটালীৰ ৰাজধানী ৰোমৰ ৰাজপথত ইউক্ৰেইনলৈ অস্ত্ৰ সৰবৰাহ বন্ধ কৰাৰ দাবীত বিক্ষোভ প্ৰদৰ্শন কৰা হৈছে।
প্ৰতিবাদকাৰীসকলে ইটালী চৰকাৰক শান্তি স্থাপন আৰু ইউক্ৰেইনলৈ অস্ত্ৰ সৰবৰাহ বন্ধ কৰিবলৈ আহ্বান জনাইছে। তেওঁলোকে লগতে ৰাছিয়াৰ সৈতে কূটনৈতিক সম্পৰ্কৰো দাবী জনায়।
লগতে পঢ়ক: আমেৰিকা যুক্তৰাষ্ট্ৰৰ হিমাৰ্ছ মিছাইলেৰে কাখোভকা শক্তি প্ৰকল্পত আক্ৰমণ ইউক্ৰেনৰ
কেইবা হাজাৰ লোকে প্ৰতিবাদী সমদলত অংশগ্ৰহণ কৰিছিল য’ত দেশখনৰ শ্ৰমিক সংঘৰ নেতাসকল আৰু কেথলিক খ্ৰীষ্টান সম্প্ৰদায়ৰ লোকসকলেও অংশ লয়। বহু সংখ্যক শিক্ষাৰ্থী আৰু মানৱ অধিকাৰ কৰ্মীয়েও প্ৰতিবাদী সমদলত যোগ দিয়ে।
প্ৰতিবাদকাৰীসকলে “শান্তি বিচাৰো, হিংসা নহয়” আদি শ্লোগান লিখা ৰামধেনু ৰঙৰ পতাকা বহন কৰে। প্ৰতিবাদকাৰীসকলে “ইউক্ৰেইনক পৰ্যাপ্ত অস্ত্ৰ দিয়া হৈছে, আমি যুদ্ধ নিবিচাৰো, ৰাছিয়াৰ বিৰুদ্ধে কোনো নিষেধাজ্ঞা নাই, কূটনীতি ক’ত আছে” আদি শ্লোগান থকা বেনাৰ, ফেষ্টুন আৰু প্লেকাৰ্ডও লৈছিল।
লগতে পঢ়ক: ভুলবশতঃ লোৱা হৈছিল সিদ্ধান্ত! টুইটাৰে পুনৰ চাকৰিলৈ মাতি পঠিয়াছে বহু কৰ্মচাৰীক
এই প্ৰতিবাদত ইটালীৰ প্ৰাক্তন প্ৰধানমন্ত্ৰী আৰু ফাইভ ষ্টাৰ দলৰ নেতা জিচেপে কণ্টেও উপস্থিত থাকে।
উল্লেখ্য যে ডিচেম্বৰ, জানুৱাৰী আৰু ফেব্ৰুৱাৰী এই তিনি মাহৰ বাবে ইটালীত শীতৰ তীব্ৰ প্ৰকোপ দেখা যায়।
