ইউক্ৰেইনৰ সামৰিক বাহিনীয়ে ৰাছিয়া নিয়ন্ত্ৰিত খেৰচন অঞ্চলৰ কাখোভকা জলবিদ্যুৎ প্ৰকল্পত আমেৰিকা যুক্তৰাষ্ট্ৰৰ নিৰ্মিত হিমাৰ্ছ মিছাইলেৰে আক্ৰমণ চলাইছে। জলবিদ্যুৎ প্ৰকল্পৰ এখন গেট মিছাইলৰ আঘাতত ধ্বংস হৈছে।
খেৰচনৰ জৰুৰীকালীন সেৱাৰ উদ্ধৃতি দি বিভিন্ন সংবাদ মাধ্যমে এই তথ্য প্ৰকাশ কৰিছে। খেৰচন অঞ্চলৰ এজন বিষয়াই জনায় যে জলবিদ্যুৎ প্ৰকল্পটো ছয়টা মিছাইলেৰে আক্ৰমণ কৰা হৈছিল যাৰ ভিতৰত পাঁচটা মিছাইল ৰাছিয়াৰ মিছাইল প্ৰতিৰক্ষা প্ৰণালীয়ে ধ্বংস কৰিছে।
লগতে পঢ়ক: ভুলবশতঃ লোৱা হৈছিল সিদ্ধান্ত! টুইটাৰে পুনৰ চাকৰিলৈ মাতি পঠিয়াছে বহু কৰ্মচাৰীক
স্থানীয় কৰ্তৃপক্ষই এক বিবৃতিত কয় যে ইউক্ৰেইনৰ সামৰিক বাহিনীয়ে এই জলবিদ্যুৎ প্ৰকল্পটো ধ্বংস কৰাৰ বাবে কোনো প্ৰয়াস এৰা নাই আৰু এতিয়াও সেই প্ৰচেষ্টা অব্যাহত আছে।
স্থানীয় কৰ্তৃপক্ষই পিছত জনাইছে যে ইউক্ৰেইনৰ ক্ষেপণাস্ত্ৰসমূহে জলবিদ্যুৎ প্ৰকল্পৰ কোনো ডাঙৰ ক্ষতি কৰাত ব্যৰ্থ হৈছে।
লগতে পঢ়ক: সাজু জুকাৰবাৰ্গ! টুইটাৰৰ পিছত এইবাৰ বৃহৎ সংখ্যক কৰ্মচাৰীক ছাঁটাই কৰিব মেটাই!
শেহতীয়া কেইসপ্তাহত মস্কোৱে অভিযোগ কৰি আহিছিল যে ইউক্ৰেইনে ডাইনেপিৰ নদীৰ পাৰত থকা কাখোভকা জলবিদ্যুৎ প্ৰকল্পত আক্ৰমণ কৰাৰ চেষ্টা চলাই আছে।