বোকাখাতত সংবাদমেল যোগে জুবিন গাৰ্গৰ ন্যায়ৰ ক্ষেত্ৰত বিজেপি চৰকাৰ তথা মুখ্যমন্ত্ৰী হিমন্ত বিশ্ব শৰ্মাৰ ধুৱলি-কুঁৱলী স্থিতিক তীব্ৰ নিন্দা কৰাৰ লগতে কঠোৰ সকিয়নী জনায় “ভাৰতীয় গণনাট্য সংঘই। জুবিন গাৰ্গৰ চৰিত্ৰ হনন কৰি জনমানসত হেয় প্ৰতিপন্ন কৰি জাতীয় আন্দোলন আৰু জাতীয় আবেগক নিস্ক্ৰিয় কৰাৰ কুআভিসন্ধিৰ পৰা বিৰত থাকিবলৈ সংবাদমেলত মুখ্যমন্ত্ৰীক কঠোৰ সকিয়নী ভাৰতীয় গণনাট্য সংঘৰ সমন্বয়ক সোণেশ্বৰ নৰহৰ।
হিয়াৰ আমঠু জুবিন গাৰ্গৰ ৰহস্যজনক মৃত্যুৰ প্ৰকৃত তথ্য জনা তথা এই বিষয়টোৰ ন্যায় বিচৰাটো অসমৰ জনগণৰ এটা মৌলিক দাবী৷ জনগণৰ এই অধিকাৰক পুতৌ কৰি ৰাজ্যৰ মুখ্যমন্ত্ৰী হিমন্ত বিশ্বশৰ্মাই দয়া আৰু কৃপাৰ ভিত্তিত ন্যায়ৰ কথা কোৱাটো কোনো কাৰণতে গ্ৰহণযোগ্য হ’ব নোৱাৰে৷ আনহাতে, জুবিন গাৰ্গৰ ন্যায়ৰ দাবীক একাষৰীয়া কৰাৰ মানসেৰে ৰাজ্যৰ মুখ্যমন্ত্ৰী হিমন্ত বিশ্বশৰ্মাৰ নেতৃত্বত শিল্পী জুবিন গাৰ্গৰ চৰিত্ৰহনন কৰাৰ পৰিকল্পনা কৰি থকা হৈছে৷ এই কু-চক্ৰান্তৰ মাজেৰে জাতীয় আৱেগক নিষ্ক্ৰিয় কৰাৰ যি অভিপ্ৰায় সেয়া কোনো কাৰণতে সম্ভৱ হ’বলৈ দিয়া নহ’ব৷’— আজি বোকাখাতৰ প্ৰয়াস অধ্যয়ন চক্ৰ ক্ষেত্ৰত এক সংবাদমেল অনুষ্ঠিত কৰি ভাৰতীয় গণনাট্য সংঘৰ অসম ৰাজ্যিকৰ সমন্বয়ক সোণেশ্বৰ নৰহে এইদৰে কয়৷ সংগঠনটোৰ জ্যেষ্ঠ শিল্পী ধনেশ্বৰ শইকীয়া, চিত্ৰ-ভাস্কৰ্য শিল্পী পাপু ঘোষ, নাট্যশিল্পী চিমি গোস্বামী, ৰাতুল ফুকন, কবি পল্লৱ হাজৰিকা, দ্ৰোণ পাটগিৰি, দেৱ পেগু উপস্থিত থকা সংবাদমেলৰ যোগেদি ভাৰতীয় গণনাট্য সংঘই কয় যে জুবিন গাৰ্গ কেৱল এটা ৰোমাণ্টিচিজমৰ প্ৰতীক নহয়, বিষ্ণু ৰাভা, জ্যোতিপ্ৰসাদ, ছে’ গুৱেভাৰাৰ আদৰ্শৰে পুষ্ট জুবিন গাৰ্গ এগৰাকী চছিয়েল লেফ্টিষ্ট৷ কিন্তু, চৰকাৰীভাৱে প্ৰকাশ কৰা ধৰণে অভিযোগনামাৰ তথ্য মানি লওঁতে অসমীয়াৰ সময় লাগিব বিষয়টোৱে জুবিনৰ পৰিয়াল আৰু অনুৰাগীলৈ বুলি মুখ্যমন্ত্ৰীয়ে মনস্তাত্বিক ভাবুকি প্ৰদান কৰিছে নেকি বুলিও প্ৰশ্ন উত্থাপন কৰে ভাৰতীয় গণনাট্য সংঘই।
জুবিন গাৰ্গৰ ন্যায়ৰ দাবী তুলি সংবাদমেলযোগে ভাৰতীয় গণনাট্য সংঘই কয় যে ৰাজনৈতিক স্বাৰ্থৰ বাবে এনে কু-অভিপ্ৰায়ৰ পৰা বিৰত থাকক অন্যথা আমাৰ অভিযোগৰ আঙুলি পোনপটীয়াকৈ মুখ্যমন্ত্ৰীলৈ যাব৷
সংবাদমেলত সংগঠনটোৱে জুবিন গাৰ্গৰ ন্যায়ৰ ক্ষেত্ৰত বিজেপি চৰকাৰ তথা মুখ্যমন্ত্ৰী হিমন্ত বিশ্ব শৰ্মাৰ ধুঁৱলি-কুঁৱলী স্থিতিক তীব্ৰ নিন্দা আৰু কঠোৰ সকিয়নী প্ৰদান কৰে৷ ভাৰতীয় গণনাট্য সংঘই সংবাদ মেলযোগে কয় যে জুবিন গাৰ্গৰ চৰিত্ৰ হনন কৰি জনমানসত হেয় প্ৰতিপন্ন কৰি জাতীয় আন্দোলন আৰু জাতীয় আবেগক নিষ্ক্ৰিয় কৰাৰ কু-অভিসন্ধিৰ পৰা বিৰত থাকিবলৈ সংবাদমেলত মুখ্যমন্ত্ৰীক কঠোৰ সকিয়নী ভাৰতীয় গণনাট্য সংঘৰ সমন্বয়ক সোণেশ্বৰ নৰহৰ৷
ন্যায়াধীশৰ দৰে কথা ক’বলৈ মুখ্যমন্ত্ৰীক আমি ন্যায়াধীশ পাতি থোৱা নাই বুলিও কয় ভাৰতীয় গণনাট্য সংঘৰ সমন্বয়ক সোণেশ্বৰ নৰহে। লগতে আমি এতিয়া কৈ হে আছো কিন্তু জুবিন গাৰ্গৰ চৰিত্ৰ হননৰ দৰে নিকৃষ্ট কাৰ্যৰ পৰা হিমন্ত বিশ্ব শৰ্মা যদি বেকফুটত নাযায় তেতিয়াহ’লে সমগ্ৰ ষড়যন্ত্ৰত লিপ্ত থকাৰ অভিযোগৰ আঙুলি পোনপতিয়াকৈ মুখ্যমন্ত্ৰীলৈ তুলিবলৈ বাধ্য হ’ম বুলিও হুংকাৰ প্ৰদান কৰে ভাৰতীয় গণনাট্য সংঘৰ সমন্বয়ক গৰাকীয়ে। উল্লেখ্য যে, অপপ্ৰচাৰত বিচলিত নহৈ ৰাইজৰ লগত থাকি ন্যায়ৰ হকে অটল স্থিতিত থাকিবলৈ গৰিমা গাৰ্গলৈও বিনম্ৰ আহ্বান ” জনোৱাৰ লগতে “সাহসী গৰিমা”আখ্যাৰে সংবাদমেলতে গৰিমা শইকীয়া গাৰ্গক জন্মদিনৰ আনুষ্ঠানিক শুভেচ্ছা জনালে ভাৰতীয় গণনাট্য সংঘই।
