আমেৰিকাৰ ৰাষ্ট্ৰপতি নিৰ্বাচনৰ দিন যিমানেই চমু চাপি আহিছে সিমানেই ৰিপাব্লিকান দলৰ উপ-ৰাষ্ট্ৰপতি পদৰ প্ৰাৰ্থী ভাৰতীয় মূলৰ কমলা হেৰিছ আক্ৰমণৰ লক্ষ্য হৈ পৰিছে ডোনাল্ড ট্ৰাম্পৰ।
নিউ হাম্পশ্বায়াৰৰ এখন নিৰ্বাচনী সভাত ভাষণ দি ট্ৰাম্পে কৈছে যে মাৰ্কিন ৰাষ্ট্ৰপতি পদৰ বাবে কমলা হেৰিছৰ মুঠেও যোগ্যতা নাই।
সেইবাবেই তেওঁ ২০১৭ চনত ৰিপাব্লিকান দলৰ হৈ ৰাষ্ট্ৰপতি পদত প্ৰতিদ্বন্দ্বিতা কৰিছিল যদিও শেষ মুহূৰ্তত পৰাজয়ৰ ভয়ত প্ৰাৰ্থিত্ব প্ৰত্যাহাৰ কৰিছিল বুলি ট্ৰাম্পে কয়।
তেওঁ লগতে কয় যে কমলা হেৰিছৰ সলনি ইভানকা ট্ৰাম্পহে মাৰ্কিন ৰাষ্ট্ৰপতি পদৰ বাবে সম্পূৰ্ণ যোগ্য ব্যক্তি।
তেওঁ ইভানকাক ৰাষ্ট্ৰপতিৰ পদত দেখিলে সুখী হ’ব বুলিও কয়।
নিজ কন্যাৰ প্ৰশংসাত এনেদৰে পঞ্চমুখ হৈ পৰা ট্ৰাম্পক বহুতে সমালোচনাও কৰা দেখা গৈছে।
উল্লেখ্য অহা নবেম্বৰত অনুষ্ঠিত হ’বলগীয়া মাৰ্কিন ৰাষ্ট্রপতি নিৰ্বাচনত ডেম’ক্ৰেটিক দলৰ উপ-ৰাষ্ট্ৰপতি পদৰ বাবে প্ৰাৰ্থিত্ব আগবঢ়োৱা ভাৰতীয়মূলৰ কমলা হেৰিছক লৈ এতিয়া চিন্তিত হৈ পৰিছে ৰিপাব্লিকান দল।
সেইবাবেই ৰিপাব্লিকানৰ নেতা তথা মাৰ্কিন ৰাষ্ট্ৰপতি ডোনাল্ড ট্ৰাম্পে কমলা হেৰিছৰ জন্মস্থানক লৈও সূচনা কৰিছে নতুন বিতৰ্কৰ।
ট্ৰাম্পৰ মতে আমেৰিকাৰ সংবিধান অনুসৰি কোনো বিদেশী লোকে মাৰ্কিন ৰাষ্ট্ৰপতি নিৰ্বাচনত অংশগ্ৰহণ কৰিব নোৱাৰে।
এনে ক্ষেত্ৰত কমলা হেৰিছে কিদৰে নিৰ্বাচনত অংশগ্ৰহণ কৰিছে বুলি ট্ৰাম্পে প্ৰশ্ন কৰে।
ট্ৰাম্পৰ মতে কমলা হেৰিছৰ পিতৃ জামাইকাৰ আৰু মাতৃ ভাৰতৰ।
১৯৬৪ চনৰ ২০ অক্টোৱৰত অকলেণ্ডত জন্ম গ্ৰহণ কৰিছিল কমলা হেৰিছে।
সেই দিশৰ পৰা তেওঁ আমেৰিকাৰ স্থানীয় বাসিন্দা নহয়।
তেন্তে তেওঁ কি দৰে মাৰ্কিন উপ-ৰাষ্ট্ৰপতি পদৰ বাবে প্ৰাৰ্থিত্ব আগবঢ়াব পাৰে বুলিও ট্ৰাম্পে প্ৰশ্ন উত্থাপন কৰি আহিছে।
