বলিউডৰ ৯জনকৈ লোকৰ বিৰুদ্ধে ধৰ্ষণ আৰু নিৰ্যাতনৰ অভিযোগ উত্থাপিত হৈছে।
এগৰাকী ২৮ বৰ্ষীয়া প্ৰাক্তন মডেলে মুম্বাইৰ বান্দ্ৰা আৰক্ষী থানাত এই সংক্ৰান্তত এটা গোচৰ ৰুজু কৰে।
অভিযুক্তকেইজনৰ ভিতৰত ‘কাল কিচনে দেখা’খ্যাত জনপ্ৰিয় অভিনেতা জেক্কী ভাগনানি, ফটোগ্ৰাফাৰ কলষ্টন জুলিয়ান, ‘কোৱান এণ্টাৰটেইনমেণ্ট’ নামৰ সংস্থাটোৰ প্ৰতিষ্ঠাপক অনিৰ্বাণ ব্লাহ আৰু টি-চিৰিজৰ কৃষাণ কুমাৰ।
মডেলগৰাকীয়ে দাবী কৰিছে যে ২০১৪ ৰ পৰা ২০১৯ চনলৈকে তেওঁক চিনেমাত অভিনয় কৰাৰ বিনিময়ত যৌন নিৰ্যাতন চলাই যোৱা হৈছিল।
ইয়াৰ ফলত তেওঁ মানসিক দুৰৱস্থাতো ভুগিছিল।
আৰক্ষীয়ে ভাৰতীয় দণ্ডবিধি আইনৰ ৩৭৬ ধাৰা (একেগৰাকী নাৰীৰ ওপৰত ধাৰাবাহিক ধৰ্ষণ) আৰু ৩৫৪ ধাৰাৰ (নিৰ্যাতন) আওঁতাত এটা গোচৰ তৰিছে।
বৰ্তমান আৰক্ষীয়ে বিষয়টো সন্দৰ্ভত অনুসন্ধান চলাই আছে।
এজাহাৰত মডেলগৰাকীয়ে অভিযোগ কৰে ফটোগ্ৰাফাৰ কলষ্টন জুলিয়ানে তেওঁক ধৰ্ষণ কৰিছিল আৰু বাকীকেইজনে নিৰ্যাতন চলাইছিল।
