ডি এন এৰ ডাবল হেলিক্সৰ আকৃতি আৱিষ্কাৰ কৰাত সহায় কৰা আমেৰিকান বিজ্ঞানী জেমছ ৱাটছন আৰু নাই। শুকুৰবাৰে নিউয়ৰ্কৰ কল্ড স্প্ৰিং হাৰ্বাৰ লেবৰেটৰীত অসুস্থ হৈ পৰে বিজ্ঞানীগৰাকী। মৃত্যুৰ সময়ত তেখেতৰ বয়স আছিল ৯৭ বছৰ।
১৯২৮ চনত চিকাগোত জন্মগ্ৰহণ কৰা ৱাটছন আছিল শৈশৱ কালৰে পৰা প্ৰতিভাশালী। ১৯ বছৰ বয়সত তেওঁ কলেজৰ ডিগ্ৰী আৰু তাৰ পিছত কম সময়ৰ ভিতৰতে পি এইচ ডি লাভ কৰে।
১৯৫১ চনত তেওঁ সহযোগী ফ্ৰান্সিছ ক্ৰিকৰ সৈতে কেম্ব্ৰিজ বিশ্ববিদ্যালয়ত যোগদান কৰে। ৰোজালিণ্ড ফ্ৰেংকলিন আৰু মৰিছ উইলকিন্সৰ এক্স-ৰে ছবি ব্যৱহাৰ কৰি তেওঁলোকে ১৯৫৩ চনত ডি এন এৰ কঠিন গঠন আৱিষ্কাৰ কৰে। ১৯৬২ চনত ৱাটছন, ক্ৰিক আৰু উইলকিন্সে ইয়াৰ বাবে নোবেল বঁটা লাভ কৰে।
১৯৬৮ চনৰ পৰা ১৯৯৩ চনলৈকে তেওঁ কল্ড স্প্ৰিং হাৰ্বাৰ লেবৰ নেতৃত্ব দিছিল আৰু ইয়াক উচ্চ পৰ্যায়ৰ গৱেষণা ক্ষেত্ৰ হিচাপে গঢ়ি তুলিছিল। ১৯৯০ চনত তেওঁ হিউমেন জিনম প্ৰজেক্ট আৰম্ভ কৰিছিল।
উল্লেখ্য যে ৱাটছনে এটা সময়ত নিজৰ সন্মান আৰু চাকৰি হেৰুৱাবলগা হৈছিল। ২০০৭ চনত মানৱ জাতিক লৈ কৰা এক গৱেষণাৰ বিষয়ে বিতৰ্কিত মন্তব্যৰ বাবে তেওঁ লেবৰ চাকৰি হেৰুৱাইছিল। ২০১৯ চনত তেওঁ একেই বিতৰ্কিত মন্তব্যৰ পুনৰাবৃত্তি কৰিছিল, গতিকে লেবে তেওঁৰ পূৰ্বৰ সন্মান বাতিল কৰিছিল।
তেওঁ বিভিন্ন গৱেষণা, আৱিষ্কাৰ, ভেকচিন আৰু সম্পাদনা সঁজুলিৰ বাবে ভৱিষ্যতৰ বাটকটীয়া হৈ ৰ’ব।
