সোমবাৰ ৰাতিপুৱা ৮ বজালৈ বৃদ্ধি জনতাৰ কাৰ্ফিউ

কামৰূপ (মেট্ৰ’) জিলা প্ৰশাসনে জিলাখনত সোমবাৰৰ ৰাতিপুৱা ৮ বজালৈ বৃদ্ধি কৰিছে জনতা কাৰ্ফিউ। অসম আৰক্ষীয়ে এই কথা জানিবলৈ দি সকলো লোককে সহাৰি জনাবলৈ আহ্বান জনায়।

ক’ৰ’না ভাইৰাছ সংক্ৰমণ ৰোধৰ প্ৰতি লক্ষ্য ৰাখিয়েই জিলা প্ৰশাসনে জনতা কাৰ্ফিউ পুনৰ ১১ ঘণ্টা অৰ্থাৎ ২৩ মাৰ্চৰ ৰাতিপুৱা ৮ বজালৈ বৃদ্ধি কৰাৰ সিদ্ধান্ত লয়।

জনতা কাৰ্ফিউৰ সময়ত জৰুৰী সেৱা সমূহ চলি থাকিব বুলি জানিবলৈ দিয়ে।

We thank the people of Assam for making the #JantaCurfew a huge success, it’s but a start in our fight against #CoronaVirus.

We request you to stay indoors till 8am tomorrow. Pls don’t move out, until extremely necessary. Let’s do this in the interest of public health & safety.

— Assam Police (@assampolice) March 22, 2020

কামৰূপ (মেট্ৰ’)ৰ লগতে অসমৰ বিভিন্ন জিলাতো অহা ১১ ঘণ্টাৰ বাবে ৰাইজক বাহিৰলৈ ওলাই নাহিবলৈ আহ্বান তথা অনুৰোধ জনাইছে।

ইয়াৰ উপৰি অসমৰ মুখ্য মন্ত্ৰী সৰ্বানন্দ সোণোৱালে জনসাধাৰণক অত্যন্ত জৰুৰী কাম নহ’লে ঘৰৰ পৰা বাহিৰ নোলাবলৈ আহ্বান জনাইছে।

উল্লেখ্য যে ক’ৰ’না ভাইৰাছক লৈ উদ্বিগ্ন হৈ থকা দেশবাসীক যোৱা ১৯ মাৰ্চত প্ৰধান মন্ত্ৰী নৰেন্দ্ৰ মোদীয়ে সম্বোধন কৰি সংযম হৈ থাকিবলৈ আহ্বান জনোৱাৰ লগতে আজি ৰাতিপুৱা ৭ বজাৰ পৰা ৰাতি ৯ বজালৈ জনতাৰ কাৰ্ফিউৰ আহ্বান জনাইছিল।