Jasprit Bumrah to lead India যশপ্ৰীত বুমৰাহে কপিলদেৱৰ অভিলেখ স্পৰ্শ কৰিছে। তাৰকা পেচাগৰাকীয়ে এজবাষ্টনত ইংলেণ্ডৰ বিৰুদ্ধে পঞ্চম টেষ্টত ভাৰতীয় দলৰ অধিনায়ক হ’ব। সেই মৰ্মে ৩৫ বছৰৰ পিছত এগৰাকী পেচাৰে ভাৰতীয় টেষ্ট দলৰ অধিনায়ক হ’ব। ইয়াৰ মাজতে উপ-অধিনায়কৰ দায়িত্ব ঋষভ পন্টৰৰ হাতত ন্যস্ত কৰা হৈছে।
যোৱা বছৰ ইংলেণ্ডৰ বিৰুদ্ধে বাকী থকা টেষ্টখন কাইলৈৰ পৰা আৰম্ভ হ’ব। সেই খেলখনৰ পূৰ্ব ভাৰতীয় টেষ্ট দলৰ স্থায়ী অধিনায়ক ৰোহিত শৰ্মা কৰোনাভাইৰাছৰ দ্বাৰা আক্ৰান্ত হয় যদিও ভাৰতীয় টীম মেনেজমেন্টে আশা এৰি দিয়া নাছিল।
NEWS 🚨 – @Jaspritbumrah93 to lead #TeamIndia in the fifth Test Match against England.@RishabhPant17 will be the vice-captain for the match.#ENGvIND pic.twitter.com/ueWXfOMz1L
— BCCI (@BCCI) June 30, 2022
অৱশেষত বৃহস্পতিবাৰে ভাৰতীয় ক্ৰিকেট নিয়ন্ত্ৰণ ব’ৰ্ডে (বিচিচিআই) জনায় যে ৰোহিতে কৰোনাৰ বাবে পঞ্চম টেষ্টত খেলিব নোৱাৰিব। বৃহস্পতিবাৰে ৰাতিপুৱা ৰোহিতৰ ৰেপিড এণ্টিজেন টেষ্ট কৰা হৈছিল। কিন্তু ৰিপ’ৰ্ট পজিটিভ আহে।
ইপিনে, পঞ্চম টেষ্টখনত ভাৰতৰ প্ৰথম একাদশ কি হ’ব সেয়া ভাৰতে এতিয়াও ঘোষণা কৰা নাই।
