জৱাহৰলাল নেহৰু বিশ্ববিদ্যালয় ছাত্ৰ একতা সভাৰ (জে.এন.ইউ.এছ.ইউ.) সভাপতি ঐশী ঘোষে আগন্তুক বংগ বিধানসভা নিৰ্বাচনত প্ৰতিদ্বন্দিতা আগবঢ়াব।
ছাত্ৰনেত্ৰীগৰাকীয়ে চিপিআই(এম)ৰ হৈ জামুৰিয়া সমষ্টিৰ পৰা মনোনয়নপত্ৰ দাখিল কৰিব।
ৰাজ্যখনৰ লেফট-কংগ্ৰেছ মিত্ৰজোটৰ প্ৰাৰ্থীগৰাকীক সমৰ্থন জনাব সংযুক্ত কিষাণ মৰ্চাই।
সংযুক্ত কিষাণ মৰ্চাই কেন্দ্ৰীয় চৰকাৰৰ নতুন কৃষি আইনকেইখনৰ বিৰোধিতাত আন্দোলন কৰি আছে।
উল্লেখযোগ্য ঐশী ঘোষ জে.এন.ইউ.এছ.ইউ.ৰ প্ৰথমগৰাকী সভাপতি হিচাবে বিবেচিত হ’ব, যি সভাপতি হিচাপে কাৰ্যনিৰ্বাহ কৰি থকাৰ অৱস্থাতে বিধানসভাৰ নিৰ্বাচনত অংশগ্ৰহণ কৰিছে।
Will be contesting from Jamuria Legislative Assembly Seat as candidate of the CPI(M) ,supported by the Sanyukt Morcha.
Requesting all of your support.#BengalElections2021 pic.twitter.com/bsxIdguIzH
— Aishe (ঐশী) (@aishe_ghosh) March 11, 2021
২০২০ চনৰ ৫ জানুৱাৰীত জে.এন.ইউ.ত ‘অচিনাকি’ দুৰ্বৃত্তই সংঘটিত কৰা চাঞ্চল্যকৰ আক্ৰমণটোত ঐশী ঘোষ আঘাটপ্ৰাপ্ত হৈছিল।
দুৰ্বৃত্তসকলক আৰএছএছ আৰু এবিভিপিৰ সদস্য বুলি আক্ৰমণটোত আঘাটপ্ৰাপ্ত ছাত্ৰ-ছাত্ৰীসকলে অভিযোগ কৰিছিল।
আক্ৰমণটোৰ পাছতে, চিপিআই নেতা কানাহায়া কুমাৰে কৈছিল যে বংগৰ নিৰ্বাচনী যুদ্ধত ঐশী ঘোষক জড়িত কৰিব লাগে।
উল্লেখযোগ্য যে ২৫ বছৰীয়া ঐশী বৰ্তমান জে.এন.ইউ.ত দৰ্শন বিষয়ৰ স্নাতকোত্তৰ ছাত্ৰী।
