এসময়ত নাগৰিকত্ব সংশোধনী বিধেয়কৰ বিৰুদ্ধে নগ্ন প্ৰতিবাদ সাৱ্যস্ত কৰি চাঞ্চল্যৰ সৃষ্টি কৰা প্ৰতিবাদকাৰী মন্টু দত্ত পুনৰ বাতৰিৰ মাজলৈ ঘুৰি আহি আহিছে।এইবাৰ তেওঁ দাবী কৰিছে অসমৰ ‘স্বাধীনতা’।
পৰম্পৰাগত সাজ ধূতি পিন্ধি আৰু ডিঙিত গামোচা লৈ ৪৫বছৰীয়া দত্তক মঙলবাৰে যোৰহাটৰ উপায়ুক্তৰ কাৰ্যালয়ৰ সন্মুখত হাতত এখন প্লে’কাৰ্ড লৈ থিয় হৈ থকা দেখিবলৈ পোৱা গ’ল।
মন্টু দত্তই লৈ থকা প্লে’কাৰ্ডখনত জয় আই অসম লিখাৰ লগতে লিখা আছিল ’’অসম যিহেতু ভাৰতৰ অংগৰাজ্য নহয় সেইবাবে অসমৰ স্বাধীনতা দিয়ক’’।
উজনি অসমত সৰৱ প্ৰতিবাদৰ বাবে পৰিচিত মন্টু দত্তক মঙলবাৰে উপায়ুক্তৰ কাৰ্যালয়ৰ সন্মুখত প্ৰায় দুঘন্টা থিয় হৈ থকা দেখা গৈছিল।
তেওঁ যদিও অসমৰ ‘স্বাধীনতা’ৰ দাবী তুলিছিল, আৰক্ষী বা জিলা প্ৰশাসনে ব্যক্তিগৰাকীৰ প্ৰতিবাদৰ প্ৰতি কোনো গুৰুত্ব দিয়া নাছিল।
যোৰহাটৰ ৰাজাবাৰী অঞ্চলৰ বাসিন্দা দত্তই কোনো ৰাজনৈতিক দল বা সংগঠনক প্ৰতিনিধিত্ব কৰাৰ বিপৰীতে ব্যক্তিগত উদ্যোগতহে প্ৰতিবাদ সাৱ্যস্ত কৰিছিল বুলি কয়।
যদিও আৰক্ষী বা জিলা প্ৰশাসনে মঙলবাৰে ব্যক্তিগৰাকীৰ প্ৰতিবাদৰ প্ৰতি গুৰুত্ব নিদিয়াটোৱে সঠিক বুলি ভাৱিলে, দৰাচলতে তেওঁৰ দাবীটো কিন্তু উৰুৱাই দিয়া ঘটনা নাছিল।
দত্তৰ অসমৰ ‘স্বাধীনতা’ৰ দাবী নিশ্চিতভাৱে এখন ‘সাৰ্বভৌম’ অসমৰ বাবে বিচ্ছিন্নতাবাদী আলফাৰ চাৰি দশক পুৰণি সংগ্ৰামৰ সৈতে সমাৰ্থক।
অসমৰ ‘স্বাধীনতা’ৰ বাবে দাবী উত্থাপন সম্পৰ্কত এগৰাকী আৰক্ষীক সোধাত কয় যে যোৰহাটত মন্টু দত্তক কোনেও গুৰুত্ব দি নলয় যাৰ বাবে কোনো ব্যৱস্থা লোৱা হোৱা নাই।
দত্তই কোনো সমস্যা গুৰুত্বপূৰ্ণ বুলি বিবেচনা কৰিলেই প্ৰায়ে হাতত এখন প্লে’কাৰ্ড লৈ প্ৰতিবাদ সাৱ্যস্ত কৰে।
যোৱা বছৰ ১১জানুৱাৰিত মন্টু দত্তই নাগৰিকত্ব সংশোধনী বিধেয়ক,২০১৬ৰ বিৰুদ্ধে যোৰহাটৰ উপায়ুক্তৰ কাৰ্যালয়ৰ সন্মুখত নগ্ন হৈ প্ৰতিবাদ সাৱ্যস্ত কৰিছিল।
তেওঁ লগতে চিন্তাবিদ হীৰেন গোঁহাইৰ বিৰুদ্ধে ‘দেশদ্ৰোহৰ অভিযোগ’ প্ৰত্যাহাৰৰ দাবীও কৰিছিল।
উপায়ুক্তৰ কাৰ্যালয়ৰ সন্মুখত সেইসময়ত কৰা নগ্ন প্ৰতিবাদে ৰাইজক অস্বস্তিত পেলোৱাৰ সময়তে আৰক্ষীয়ে তেওঁ কৰায়ত্ত কৰি বলপূৰ্বক কাপোৰ পিন্ধাই দিছিল।
