ক্ৰমান্বয়ে অধিক তীব্ৰতৰ হৈ পৰিছে আমেৰিকাৰ অৰ্থনৈতিক সংকট। জে পি মৰ্গান চেজ এণ্ড কোম্পানীয়ে ক্ৰয় কৰিছে অৰ্থনৈতিক সংকটত ভোগা আমেৰিকাৰ ‘ফাৰ্ষ্ট ৰিপাব্লিক বেংক’।
আমেৰিকাৰ বিত্তীয় নিয়ন্ত্ৰক সংস্থাসমূহে জনোৱা মতে, বিত্তীয় সংকটৰ বাবে বেংকটো জব্দ কৰা হৈছে। অৰ্থনৈতিকভাবে বিধ্বস্ত এই বেংকটোক ক্ৰয় কৰি উদ্ধাৰ কৰিব খুজিছে জে পি মৰ্গান এণ্ড কোম্পানীয়ে।
লগতে পঢ়কঃ জিঅ’ৰ নতুন অফাৰ : মাত্ৰ ৮১ টকাত সীমাহীন কলৰ সুবিধা, লগতে পাব হাইস্পীড ডাটা
উল্লেখ্য যে যোৱা দুমাহৰ ভিতৰত বিফল হৈ বন্ধ হৈ যোৱা এইটো আমেৰিকাৰ তৃতীয়টো বেংক।
জানিব পৰা মতে, জে পি মৰ্গানে ফাৰ্ষ্ট ৰিপাব্লিকৰ পৰা ফাৰ্ষ্ট ৰিপাব্লিকৰ ১৭৩ বিলিয়ন ডলাৰ ঋণ, ৩০ বিলিয়ন ডলাৰ ছিকিউৰিটি আৰু ৯২ বিলিয়ন ডলাৰ জমা ধন লাভ কৰিব।
ফাৰ্ষ্ট ৰিপাব্লিকৰ কৰ্পৰেট ঋণ আৰু কিছুমান ষ্টক অধিগ্ৰহণ নকৰে জে পি মাৰ্গানে।
উল্লেখ্য যে শেহতীয়াকৈ ফাৰ্ষ্ট ৰিপাব্লিক বেংকৰ শ্বেয়াৰ প্ৰায় ৩৬ শতাংশ হ্ৰাস পাইছে। সামগ্ৰিকভাৱে এই বছৰটোত ফাৰ্ষ্ট ৰিপাব্লিকৰ শ্বেয়াৰৰ মূল্য প্ৰায় ৯৭ শতাংশ হ্ৰাস পাইছে।
আনহাতে, জে পি মৰ্গানৰ শ্বেয়াৰৰ মূল্য ২.৬ শতাংশ বৃদ্ধি পাইছে।
লগতে পঢ়কঃ উজনিত সক্ৰিয় আলফা(স্বা) : চাহ, কয়লা, কাঠ বয়সায়ীৰ পৰা দাবী বৃহৎ পৰিমাণৰ ধন
খবৰ অনুসৰি, ফাষ্ট ৰিপাব্লিক বেংকৰ নিলাম প্ৰক্ৰিয়াত অংশগ্ৰহণ কৰা প্ৰধান বেংকসমূহ আছিল চিটিজেন ফাইনেন্সিয়েল গ্ৰুপ ইনকৰ্পৰেশ্যন, পিএনজি ফাইনেন্সিয়েল চাৰ্ভিচেছ গ্ৰুপ আৰু জে.পি.মৰ্গান চেজ এণ্ড কোম্পানী।
সোমবাৰে পুৱা কেলিফৰ্ণিয়াৰ বিত্তীয় সুৰক্ষা আৰু উদ্ভাৱন বিভাগে কয় যে ফাৰ্ষ্ট ৰিপাব্লিক বেংকৰ নিয়ন্ত্ৰণ এতিয়া জে.পি.মৰ্গান চেজ এণ্ড কোম্পানীৰ হাতত। ইয়াৰ উপৰিও এফডিআইচিয়ে বেংকটোৰ ৰিচিভাৰ বা ছুপাৰভাইজাৰ হিচাপে কাম কৰিব।
লগতে পঢ়কঃ কৃত্ৰিম বুদ্ধিমত্তা ভয়ংকৰ! নিজৰ কামৰ বাবে অনুশোচনা কৰি গুগল এৰিলে AI ‘গডফাদাৰ’ হিণ্টনে
