বিৰোধীৰ মুখ বন্ধ কৰিবলৈ চৰকাৰে নিত্য নতুন পন্থা গ্ৰহণ কৰিছে। শেহতীয়াকৈ চৰকাৰক সমালোচনা কৰোতে বিৰোধীয়ে ব্যৱহাৰ কৰা বহু কেইটা শব্দক অসংসদীয় শব্দ হিচাবে তালিকাভূক্ত কৰা হৈছে।
১৮ জুলাইৰ পৰা আৰম্ভ হ’বলগীয়া সংসদৰ বৰ্ষাকালীন অধিৱেশনৰ সময়ত তালিকাত থকা কোনো শব্দ কোনো সাংসদেই ব্যৱহাৰ কৰিব নোৱাৰিব। যদি কোনোৱাই তেনে শব্দ ব্যৱহাৰ কৰে তেন্তে তেওঁ সংসদৰ পৰা নিলম্বিত হোৱাৰ সম্ভাৱনাই বেছি।
লোকসভা সচিবালয়ে প্ৰকাশ কৰা অসংসদীয় শব্দৰ পুস্তিকাত স্থান লাভ কৰা তেনে অসংসদীয় শব্দ কেইটামান হৈছে ‘জুমলাজীভি’, ‘কোভিড স্প্ৰেডাৰ’ আৰু ‘স্নুপগেট’, ‘চামচাগিৰি’, ‘দুৰ্নীতিগ্ৰস্ত’,’কোভিড স্প্ৰেডাৰ’ আদি শব্দবোৰো কোনেও উভয় সদনৰ মজিয়াত উচ্চাৰণ কৰিব নোৱাৰিব।
আনকি সাধাৰণতে ব্যৱহৃত শব্দ যেনে ‘লজ্জিত’, ‘দুৰ্ব্যৱহাৰ,’ ‘বিশ্বাসঘাতকতা’, ‘দুৰ্নীতিগ্ৰস্ত’, ‘নাটক’, ‘ভণ্ডামি’ আৰু ‘অক্ষম’, ‘নৈৰাজ্যবাদী’, ‘শকুনি’, ‘স্বৈৰাচাৰী’, ‘বিনাশ পুৰুষ’, ‘খালিস্তানী’ আদি । তাৎপৰ্যপূৰ্ণ কথাটো হ’ল লোকসভা আৰু ৰাজ্যসভা উভয় সদনতে অসংসদীয় বুলি গণ্য কৰা হ’ব এনে শব্দবোৰক।
অসংসদীয় হিচাপে তালিকাভুক্ত হোৱা হিন্দী শব্দৰ ভিতৰত আছে ‘গাদ্দাৰ’, ‘গিৰগিট’, ‘চামচা’, ‘চামচাগিৰি’, ‘চেলা’, ‘অপমান’, ‘অসত্য’, ‘অহংকাৰ’, ‘দুৰ্নীতিগ্ৰস্ত’, ‘কলা দিন’, ‘কলা বজাৰী’ আদি। বিৰোধী দলৰ নেতাসকলে এনে সিদ্ধান্ত বাক স্বাধীনতাৰ ওপৰত আঘাত বুলি মন্তব্য কৰিছে।ৰাজ্যসভাৰ সদস্য ডেৰেক অ’ব্ৰায়েনে এয়া সাংসদসকলৰ স্বাধীনতাৰ ওপৰত অত্যাচাৰ বুলি কয়।
তৃণমূলৰ সাংসদ মহুয়া মৈত্ৰই টুইটত কৈছে ” চৰকাৰে বিৰোধীয়ে ব্যৱহাৰ কৰা সকলো শব্দ নাইকীয়া কৰি দেশ ধ্বংস কৰিবলৈ ওলাইছে ।” জ্যেষ্ঠ কংগ্ৰেছ নেতা তথা ৰাজ্যসভাৰ সদস্য জয়ৰাম ৰমেশেও চৰকাৰক এই প্ৰসংগত সমালোচনা কৰিছে।
