সোমবাৰে উচ্চতম ন্যায়ালয়ৰ কলেজিয়ামে পাটনা উচ্চ ন্যায়ালয়ৰ ভাৰপ্ৰাপ্ত মুখ্য ন্যায়াধীশ আশুতোষ কুমাৰক গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে নিযুক্তি দিয়াৰ পৰামৰ্শ আগবঢ়ায়।
গুৱাহাটী উচ্চ ন্যায়ালয়ৰ বৰ্তমানৰ মুখ্য ন্যায়াধীশ বিজয় বিষ্ণয়ক উচ্চতম ন্যায়ালয়ৰ ন্যায়াধীশ হিচাপে নিযুক্তিৰ পৰামৰ্শ দিয়াৰ পিছতে উক্ত পদটো খালি হৈ পৰিব। উল্লেখ্য যে বিজয় বিষ্ণয় লগতে আন দুগৰাকী ন্যায়াধীশ ক্ৰমে কৰ্ণাটক উচ্চ ন্যায়ালয়ৰ মুখ্য ন্যায়াধীশ এন ভি আৰু বম্বে উচ্চ ন্যায়ালয়ৰ ন্যায়াধীশ এ এছ চন্দুৰকাৰৰ উচ্চতম ন্যায়ালয়ৰ ন্যায়াধীশ হিচাপে নিযুক্তি দিয়াৰ পৰামৰ্শ আগবঢ়ায়।
উল্লেখ্য যে ন্যায়াধীশ কুমাৰে পাটনাৰ ছেইণ্ট মাইকেল হাইস্কুলৰ পৰা স্কুলীয়া শিক্ষা সমাপ্ত কৰি দিল্লী বিশ্ববিদ্যালয়ৰ ছেইণ্ট ষ্টিফেনছ কলেজৰ পৰা স্নাতক ডিগ্ৰী লাভ কৰে। দিল্লী বিশ্ববিদ্যালয়ৰ কেম্পাছ ল চেণ্টাৰৰ পৰা ডিগ্ৰী লাভ কৰি ১৯৯১ চনৰ ৯ জুলাইত পাটনা উচ্চ ন্যায়ালয়ৰ অধিবক্তা হিচাপে কৰ্মজীৱনৰ পাতনি মেলে।
২০১৪ চনৰ ১৫ মে’ত পাটনা উচ্চ ন্যায়ালয়ৰ অতিৰিক্ত ন্যায়াধীশ হিচাপে নিযুক্তি লাভ কৰাৰ পিছত তেওঁক দিল্লী উচ্চ ন্যায়ালয়লৈ বদলি হয়।
২০১৬ চনৰ ২১ এপ্ৰিলত পাটনা উচ্চ ন্যায়ালয়ৰ স্থায়ী ন্যায়াধীশ হিচাপে নিশ্চিত হোৱাৰ পিছত ২০১৭ চনৰ ২১ নৱেম্বৰত পুনৰ বদলি হয়। ২০২৫ চনৰ জানুৱাৰী মাহৰ পৰা তেওঁ পাটনা উচ্চ ন্যায়ালয়ৰ ভাৰপ্ৰাপ্ত মুখ্য ন্যায়াধীশ হিচাপে কাৰ্যনিৰ্বাহ কৰি আছে।
