ৰাজ্যজুৰি চলোৱা প্রচাৰ অভিযানৰ পিছত আজি জুবিন গাৰ্গৰ বহু চৰ্চিত ছবি ‘কাঞ্চনজংঘা’ মুক্তিৰ প্ৰথম দিনাই ছচিয়েল মিডিয়াত ভাইৰেল হৈ পৰে। এই কথাত ছচিয়েল মিডিয়াত এক ভিডিঅ’ যোগে তীব্ৰ অসন্তুষ্টি প্ৰকাশ কৰিছে জুবিন গাৰ্গে।
জুবিন গাৰ্গে ছচিয়েল মিডিয়াত ভিডিঅ’টোত কয়, ‘কিছুমান মানুহে, কিছুমান ল’ৰাই ছচিয়েল মিডিয়া কেনেকে ব্যৱহাৰ কৰিব লাগে নাজানে। তেওঁলোকে চিনেমাখন চাইছে আৰু ছচিয়েল মিডিয়াত লাইভ কৰিছে। কিন্তু এইটো এটা ক্ৰাইম। সকলো জে’ললৈ যাব লাগিব।’
‘তোমালোকক ভাল পাওঁ কাৰণে চিনেমাখন বনাইছো। তোমালোকে চোৱা আৰু এই বিলাক নকৰিবা। বাহিৰৰ দেশত চিনেমা মুক্তি পালে ম’বাইল ব্যৱহাৰ নকৰে। য়ুটিউবত নিদিয়ে কাৰণ তেওঁলোকে চিনেমা ভাল পায়।’ জুবিনে উল্লেখ কৰে।
ভিডিঅ’টোত শেষত জুবিন গাৰ্গে অনুৰোধ জনাই কয়, ‘চিনেমাখন বনাওঁতে বহুত কষ্ট হৈছে। গতিকে ইয়াক ধ্বংস নকৰিবা। মোক আৰু এটা সৃষ্টি কৰিবলৈ সুযোগ দিয়া।’